თელ-ავივსა და იერუსალიმში „ჰამასის“ მიერ აყვანილი მძევლების გასათავისუფლებლად ცეცხლის შეწყვეტის შეთანხმების მოთხოვნით ათასობით ადამიანი გამოვიდა

თელ-ავივსა და იერუსალიმში ათასობით ადამიანი გამოვიდა. დემონსტრაციაზე „ჰამასის“ მიერ აყვანილი მძევლების გასათავისუფლებლად ცეცხლის შეწყვეტის შეთანხმებას მოითხოვდნენ, – ამის შესახებ The Times of Israel წერს.

საპროტესტო მსვლელობის დაწყებამდე შეკრებილებს სიტყვით მიმართეს მძევლების ოჯახების წევრებმა. ერთ-ერთმა გამომსვლელმა პრემიერ-მინისტრი ბენიამინ ნეთანიაჰუ მისი შვილებისა და სხვა მძევლების მსხვერპლად გაღებაში დაადანაშაულა. ერთ-ერთი მოკლული მძევლის დამ კი მთავრობას მოუწოდა, არ გაგზავნოს სამხედრო ძალები რაფაჰში, რათა თავიდან აიცილონ სხვა მძევლების სიკვდილი.

„მათი დრო იწურება, გააფორმეთ შეთანხმება“, – სკანდირებდნენ დემონსტრანტები.

About The Author

NEWSTODAY.GE

See author's posts