NEWSTODAY.GE 
„ქოცების” გამოცხადებული უქმე დღე – უქმე დღე არ არის” – ასე ეხმაურება „გირჩის“ დეპუტატი, იაგო ხვიჩია, რპარლამენტში 10 მაისს, მოულოდნელად იურიდიული კომიტეტის ჩანიშვნას.
ხვიჩიას თქმით, “ოცნება“ თავისი არასწორი სტრატეგიული გადაწყვეტილების მძევალია და მმართველი გუნდის მხრიდან ნებისმიერი „ფაფხური” უბრალოდ ნიშნავს იმას, რომ ისინი ხელისუფლების გადაბარების პროცესს აფერხებენ”.
„ქოცების” გამოცხადებული უქმე დღე – უქმე დღე არ არის. უქმე იმდენადაა, რამდენადაც ცდილობენ, რომ ახალგაზრდების პროტესტი შეაფერხონ.
„ქართული ოცნება“ მძევალია თავისი არასწორი სტრატეგიული გადაწყვეტილებისა. ფაქტობრივად, მათ ქართველ ხალხში დასაყრდენი და საძირკველი ჩამოეშალათ. შესაბამისად, ახლა ნებისმიერი „ფაფხური” უბრალოდ ნიშნავს იმას, რომ ისინი ხელისუფლების გადაბარების პროცესს აფერხებენ და ამაში ჯიუტდებიან, თორემ ჩემი აზრით, ხალხმა უკვე გამოიტანა ხელისუფლების ცვლილების გადაწყვეტილება”, – განაცხადა ხვიჩიამ.
“ქართული ოცნების” მოულოდნელი სვლა – ეცდება თუ არა მმართველი გუნდი რუსული კანონის დამტკიცებას მიმდინარე კვირას?
პრემიერის მიერ გამოცხადებულ უქმე დღეს, მოულოდნელად დილის 9 საათზე ივანიშვილის პარტიამ იურიდიულ საკითხთა კომიტეტის სხდომა ჩანიშნა. ეს მას შემდეგ, რაც საპროტესტო აქციების მონაწილეებმა რეგიონებში პროტესტი დააანონსეს. კომიტეტის განსახილველ თემებს შორის ჯერჯერობით რუსული კანონი არ არის, თუმცა გამორიცხული არ არის, საშიში კანონის განხილვა დღის წესრიგში ბოლო წუთებში შეიტანონ.
About The Author
