გიორგი ჯამბურია 
რუსული კანონის მხარდამჭერმა დეპუტატმა, გიორგი ხახუბიან დეკლარაცია ბოლოს 2023 წლის ივლისში შეავსო. ხახუბია, 2023 წლის მაისიდან ფოთის ხობისა და სენაკის მაჟორიტარი დეპუტატია.
დეკლარაციის მიხედვით, პარლამენტის დეპუტატი გიორგი ხახუბია ფლობს 7 ბინას (აქედან, ერთი ბინის შემთხვევაში, მხოლოდ 17% ეკუთვნის, სხვა შემთხვევაში სრულად ფლობს), 5 მიწის ნაკვეთს, 3 ავტოფარეხს, 3 საცხოვრებელ სახლს (აქედან, ერთ შემთხვევაში მხოლოდ 17%-ს ფლობს, დანარჩენ შემთხვევაში 100%-იანი წილის მფლობელია) და აგარაკს ბახმაროში.
ასევე, გიორგი ხახუბიას მფლობელობაშია – 4 მსუბუქი ავტომანქანა და 12 ათასი ევროს ღირებულების მაჯის საათი.
დეკლარაციის შევსების მომენტში, დეპუტატს „თი-ბი-სი ბანკის” ანგარიშზე ქონდა 3 590.74 GEL და 86.54 USD. ხოლო დეპოზიტის სახით დაგროვებული 2000,07 ევრო. ასევე მეკვიდრეობით მიღებული 50 000 დოლარი.
რაც შეეხება მის მეუღლეს, ნინო სარიშვილს, მის სახელზე რეგისტირებულია 229.8 კვ.მ ფართის ბინა თბილისში, გაზაფხულის ქუჩაზე, რომელიც 200 000 ლარად შეიძინა. ასევე, ბინის ღირებულებაში შედის ავტოფარეხი და არასაცხოვრებელი ფართი.
About The Author
