Apple დასაკეც Macbook-ზე მუშაობს – ახალი მოდელის გამოშვება 2026 წელს იგეგმება

Apple MacBook-ის ახალ მოწყობილობაზე მუშაობს, რომელსაც 20.3 ან 18.8-დიუმიანი ეკრანი და M5 ჩიპი ექნება – ინფორმაციას გამოცემა The Verge ავრცელებს.

მოსალოდნელია, რომ დაკეცვისას, ასეთი MacBook ზომით ამჟამინდელი 13 ან 14-დიუმიანი MacBook-ის ზომის იქნება. თუმცა, საბოლოო გადაწყვეტილება ჯერ მიღებული არ არის და როგორი იქნება ახალი მოდელი, რომელსაც ოფიციალურად წარადგენს ჯერჯერობით უცნობია.

კომპანიის მთავარი მიზანი ამ დროისთვის არის ეკრანის შექმნა, რომელსაც კეცვის ხაზი არ დაეტყობა, რაც მნიშვნელოვნად ზრდის როგორც თავად მატრიცის, ისე საკინძი მექანიზმის სპეციფიკაციების როლს. ასეთი MacBook-ის საბოლოო ღირებულება შეიძლება Apple Vision Pro-ს (3499 დოლარიდან) ფასს მიაღწიოს.

მოქნილი დისპლეით MacBook-ის დებიუტი 2026 წელს იგეგმება. ის საფუძველს ჩაუყრის Apple-ის მოწყობილობების ახალ კატეგორიას.

დახვეწილი MacBook არ არის ერთადერთი დასაკეცი მოწყობილობა, რომელზეც, როგორც ამბობენ, Apple მუშაობს. არსებობს ინფორმაცია დასაკეცი iPhone-ისა და დასაკეცი iPad-ის შესახებ, რომლებზე მუშაობაც ჯერ ადრეულ ეტაპზეა.

About The Author

NEWSTODAY.GE

See author's posts