„ღმერთმა ქნას ვცდებოდე… ერთმანეთის სუნი დაგვახრჩობს“ – რას წერს სეისმოლოგი თეა გოდოლაძე

„ღმერთმა ქნას ვცდებოდე, ერთმანეთის სუნი დაგვახრჩობს ასე თუ მოხდა“ – ასე ეხმაურება სოციალურ ქსელში სეისმოლოგი თეა გოდოლაძე წყალსადენი მილის დაზიანებას.

მისი თქმით, შესაძლოა გაწმენდითსა და აღდგენით სამუშაოებს რამდენიმე თვე დასჭირდეს და მანამ აუცილებლად სამოქმედო გეგმაა საჭირო.

„ღმერთმა ქნას ვცდებოდე. იმავე მარშრუტზე წყალსადენი მილის აღდგენა რთული ამოცანაა. 2017 წლიდან დაყრილი 230 000 კუბური მეტრი ნაყარის გატანა და შემდეგ აღდგენა რამდენიმე თვის სამუშაოა. თუ შემოვლითი გზით გაატარეს, ასევე თვეების სამუშაოა, მუხლჩაუხრელადაც რომ იმუშაონ. ქმედითი გეგმა თუ არსებობს, გაგვაცნონ. სოფლებში მაინც წავიდეს ხალხი, ან დისტანციურ სამუშაო გრაფიკზე გადავიდეთ. ერთმანეთის სუნი დაგვახრჩობს.“ – წერს გოდოლაძე.

შეგახსენებთ, 16 ივნისს წიწამურთან წყალსადენი მილის დაზიანების გამო თბილისის დიდ ნაწილს წყალმომარაგება შეუწყდა. დღეის მდგომარეობით კი, დაახლოები 63 ათას აბონენტს წყალი გრაფიკით მიეწოდება.

About The Author

NEWSTODAY.GE

See author's posts