NEWSTODAY.GE 
„ქვეყნის შეუქცევადი პირობის უზრუნველსაყოფად აუცილებელია კოლექტიურმა ნაციონალურმა მოძრაობამ სრულად აგოს პასუხი ქართული საზოგადოებისა და კანონის წინაშე“ – ამის შესახებ ბიძინა ივანიშვილი საუბრობს და რეპრესიებს აანონსებს.
ბიძინა ივანიშვილი ამბობს, რომ არჩევნების შემდეგ ყველას მოუწევს „პასუხისგება“. ივანიშვილი ისევ გლობალური ომის პარტიაზე საუბრობს და ამბობს, რომ მათი მიზანი მეორე ფრონტის გახსნა და ხელისუფლებაში „აგენტურის“ დაბრუნება.
არჩევნების შემდეგ მათ მოუწევთ პასუხისგება ყველა იმ დანაშულისთვის, რომელიც ხელისუფლებაში ყოფნის დროს ჩაიდინეს, განსაკუთრებით 2008 წელს დაკვეთის შესრულებისა და ომში ჩართვის გამო, რაც ჩვენს ქვეყანას ორი ისტორიული რეგიონის დროებით დაკარგვად დაუჯდა.
სწორედ ამისთვის გვჭირდება ჩვენ მაქსიმალური სახალხო ლეგიტიმაცია, დღეს საქართველოს არ გვაქვს იმის ფუფუნება, რომ ჩვენი ქვეყნის გაწირვის რისკზე წავიდეს – საკმარისია, გადავდგათ ერთი არასწორი ნაბიჯი და საახალწლოდ ტრადიციული ფეიერვერკის ნაცვლად ლომჯარიას ფეიერვერკს მივიღებთ. იმისთვის, რომ ასეთი კრიტიკული არჩევანის წინაშე აღარასდროს დავდეთ, აუცილებელია, საბოლოოდ დავამშვიდოთ ჩვენი ქვეყანა, დავასრულოთ აგენტურა, რადიკალიზმი და პოლარიზაცია, რის შედეგადაც ჩვენი ქვეყანა სწრაფი ტემპით განაგრძობს წინსვლას, სამწუხაროდ, კონკრეტული ძალები კვლავაც არ იშლიან ფიქრს მეორე ფრონტზე, რამაც მათი გათვლით პირველ ფრონტზე არსებული რთული მოცემულობა უნდა შეცვალოს.რადგან დარწმუნდნენ რომ ომში არ ჩავერთვებნით და საქართველოს უკრაინის ბედის გაზიარებისთვის ვერ გავწირავთ, მათ აქვთ ბოლო მცდელობა ხელისუფლებაში დააბრუნონ აგენტურა, უსამშობლო ადამიანების ერთობა, კოლექტიური ნაციონალური მოძრაობა, რომელიც ამ ნაბიჯს დავალების მიღებისთანავე გადადგამს – სწორედ ამიტომ ლობირებენ ისინი ძველ და ახალ ნაციონალურ მოძრაობას – სააკაშვილს, გვარამიას, ზურაბიშვილს, ხაზარაძეს, გახარიას, ბოკერიას და სხვა უსამშობლო პოლიტიკოსებს, რომლებიც ნებისმიერი დავალების შესრულებაზე მოაწერენ ხელს – ან იომებთ ან წახვალთ – ეს არის ყოვლად მიუღებელი დამოკიდებულება, რომელსაც საქართველოს მოსახლეობა 26 ოქტომბერს სათანადო პასუხს გასცემს,“ – ამბობს ივანიშვილი.
About The Author
