ლელო, ანა დოლიძის პარტია და მოძრაობა თავისუფლების მოედანი საარჩევნოდ გაერთიანდნენ

ლელო, ანა დოლიძის პარტია ხალხისთვის და ლევან ცუცქირიძის საზოგადოებრივი მოძრაობა თავისუფლების მოედანი საარჩევნოდ გაერთიანდნენ.

“ახლა და აქ, ევროპის მოედანზე იწყება ნამდვილი ერთობა, ნამდვილი ერთობა ევროპისთვის. ახლა და აქ, იწყება ახალი ძალის ნამდვილი, ღირსეული, პროფესიონალი, გამოცდილი პოლიტიკოსების ერთობის დაანონსება და ბრძოლის წამოწყება, რა პროცესშიც ჩვენ გვაქვს თქვენი იმედი” – აცხადებს ლელოს ერთერთი ლიდერი ირაკლი კუპრაძე.

თავისუფლების მოედნის წევრის, ნინი შენგელიას თქმით, პოზიტიური ცვლილებების დროა.

“ვცხოვრობთ ეპოქაში, როცა ჩვენმა ხელისუფლებამ საგარეო კურსი შეცვალა ნეგატიურისკენ, ამას ვერ შევეგუებით, ვერ გავუშვებთ ხელიდან იმ ისტორიულ შესაძლებლობას, რომელიც ჩვენ დღეს გაგვაჩნია, ეს არის დიდი ევროპის ოჯახში ჩვენი ადგილის დამკვიდრება… მე ვარ ადამიანი, რომელიც აქამდე პოლიტიკაში არ ყოფილა, ისევე როგორც ჩემი თანამებრძოლები, ამ ბრძოლაში გავიცანი ბევრი ადამიანი, ჩვენ ვერთიანდებით ერთი იდეის ირგვლივ, ეს იდეა არის თავისუფალი და დემოკრატიული საქართველო, ძლიერი საქართველო, ისეთი, როგორიც ჩვენ წარმოგვედგინა” – აღნიშნა შენგელიამ.

ახალი პოლიტიკური ცენტრის პრეზენტაცია ამ წუთებში მიმდინარეობს.

About The Author

NEWSTODAY.GE

See author's posts