სალომე ზურაბიშვილის სარჩელს ვერანაირი პერსპექტივა ვერ ექნება — ირაკლი კობახიძე

სალომე ზურაბიშვილის სარჩელს ვერანაირი პერსპექტივა ვერ ექნება – ამის შესახებ ქვეყნის პრემიერმა ირაკლი კობახიძემ განაცხადა.

კობახიძის თქმით, ამ სარჩელს ერთადერთი დადებითი მხარე ის აქვს, რომ პრეზიდენტმა ამ ქმედებით საკონსტიტუციო სასამართლოწ ლეგიტიმაცია აღიარა. 

• სალომე ზურაბიშვილის სარჩელს ვერანაირი პერსპექტივა ვერ ექნება. შეუძლებელია, უბრალოდ იმის მტკიცება, რომ გამჭვირვალობა არის ცუდი, სამართლებრივად არის არასწორი. ამის მტკიცება არის შეუძლებელია. ერთი დადებითი მხარე, რაც აქვს ამ სარჩელს, სალომე ზურაბიშვილმა დაუშვა შეცდომა, აღიარა საკონსტიტუციო სასამართლოს ლეგიტიმაცია, იმ სასამართლოს ლეგიტიმაცია, რომელმაც სალომე ზურაბიშვილმა კონსტიტუციის დამრღცვევად აღიარა. ამით მან თავადვე აღიარა, რომ ქვეყანას ჰყავს კონსტიტუციის დამრღვევი პრეზიდენტი, – განაცხადა კობახიძემ. 

სალომე ზურაბიშვილმა საკონსტიტუციო სასამართლოში რუსული კანონის გაუქმებით მოთხოვნით სარჩელი 15 ივლისს შეიტანა. პრეზიდენტმა საკონსტიტუციო სარჩელით სასამართლოს პირველად მიმართა და მეათე მოწვევის პარლამენტის მიერ მიღებული რუსული კანონის მოქმედების შეჩერება და მისი საბოლოო გაუქმება მოითხოვა. მთავარი არგუმენტი კი კანონის კონსტიტუციასთან წინააღმდეგობაში მოსვლაა.

About The Author

NEWSTODAY.GE

See author's posts