შსს: გორში მკვლელობის და დაჭრის ფაქტზე ერთი პირი ცხელ კვალზე დავაკავეთ

შინაგან საქმეთა სამინისტროს ცნობით, შიდა ქართლში ორი ან ორზე მეტი პირის მიმართ დამამძიმებელ გარემოებაში ჩადენილი განზრახ მკვლელობის მცდელობის ბრალდებით 1975 წელს დაბადებული ს.ა. ცხელ კვალზე დააკავეს.

დანაშაული 20 წლამდე ან უვადო თავისუფლების აღკვეთას ითვალისწინებს.

შსს-ს ინფორმაციით, გამოძიებით დადგინდა, რომ ბრალდებულმა გორში, ურთიერთშელაპარაკების ნიადაგზე, ცეცხლსასროლი იარაღიდან გასროლით ორ პირს, მამა-შვილს რამდენიმე ჭრილობა მიაყენა. მიყენებული დაზიანებების შედეგად 1993 წელს დაბადებული გ.ც. ადგილზე გარდაიცვალა, ხოლო 1970 წელს დაბადებული დ.ც. სამედიცინო დაწესებულებაში გადაიყვანეს.

გამოძიება სისხლის სამართლის კოდექსის 19-109-ე მუხლის “ლ” ქვეპუნქტით მიმდინარეობს.

ცნობისთვის, გორში, წმინდაწყალზე ორ ადამიანს ცეცხლსასროლი იარაღიდან ესროლეს. შემთხვევის შედეგად დაღუპულია ერთი ადამიანი, ერთი კი დაიჭრა.

About The Author

NEWSTODAY.GE

See author's posts