NEWSTODAY.GE 
ვინ ჩადის და ვინ არა პუტინის ზეიმზე მოსკოვში? 17 ქვეყნის წარმომადგენელს შესაძლოა, სერბეთის პრეზიდენტი გამოაკლდეს. ალექსანდრ ვუჩიჩმა კლინიკა დატოვა, მაგრამ მისი ადმინისტრაცია გადაჭრით ვერ ამბობს, შეძლებს თუ არა რუსეთის მოკავშირე ვუჩიჩი 9 მაისის აღლუმს დაესწროს.
მიუხედავად იმისა, რომ კრემლმა დღეს სტუმრების ოფიციალური სია გამოაქვეყნა, ჯერ ისევ დაუზუსტებელია, ვინ ჩავა და ვინ არა მოსკოვში.
სტუმრების სიაშია ოკუპირებული აფხაზეთის ახლადდანიშნული ე.წ. ლიდერი. სიაში არიან სომხეთის და აზერბაიჯანის პრეზიდენტებიც. სტუმრებს შორის იქნებიან ყირგიზეთის, ტაჯიკეთის ლიდერებიც. მოსკოვში ელოდებიან მადუროსაც. ზეიმზე დაპატიჟებულია ალექსანდრ ლუკაშენკოც.
მოსკოვში მზადებაა, მაგრამ ჯარისკაცების გარეშე. რეპეტიციაზე, წითელ მოედანზე დღეს დილით 1500-მდე სკოლის მოსწავლე გაიყვანეს. სამხედრო ფორმებში გამოწყობილი ბავშვები ცხრა მაისის აღლუმის მთავარი მოქმედი გმირები იქნებიან. წითელ მოედანზე პუტინი ავტორიტარი მმარველებისთვის საბრძოლო ტექნიკას, მათ შორის უპილოტო საფრენ აპარატებსაც ჩამოატარებს.
აღსანიშნავია, რომ პუტინმა 9 მაისისთვის 3 დღიანი სამშვიდობო ზავი მოითხოვა, რასაც უკრაინის პრეზიდენტმა უპასუხა. ვოლოდიმირ ზელენსკიმ დიქტატორის ეს მოთხოვნა “უმაღლესი დონის ცინიზმად” შეაფასა. მისი თქმით, იმ ფონზე, როდესაც პუტინი სიჩუმეს ითხოვს, რუსეთი უკრაინას ისევ ბომბავს.
About The Author
