“ვღელავ ქართველ ხალხზე” —საქართველოში რუმინელი კომიკოსი, ვიქტორ პატრაშკანი არ შემოუშვეს

საქართველოში რუმინელი კომიკოსი არ შემოუშვეს. ვიქტორ პატრაშკანი შავ სიაში, სავარაუდოდ, ანტირუსული განწყობების და “ქართულ ოცნებაზე” ხუმრობის გამო მოხვდა.

სოციალურ ქსელში რუმინეთის მოქალაქე წერს, რომ თბილისში მას ორ ღონისძიებაში უნდა მიეღო მონაწილეობა, შოუზე დასასწრები ბილეთები გაყიდული იყო, მაგრამ შინაგან საქმეთა სამინისტრომ სტენდ-აპერს   საზღვრის კვეთის უფლება არ მისცა.

რუმინეთის მოქალაქე რეჟიმის წინააღმდეგ მებრძოლ ქართველებს უსურვებს, მალე მოიპოვონ თავისუფლება

“ახლა ერევანში ვარ. თქვენზე უფრო ვღელავ, ქართველ ხალხზე, რომლის მთავრობასაც შეუძლია მიიღოს და იღებს კიდეც ასეთ ზომებს ადამიანის წინააღმდეგ, რომელიც უბრალოდ ხუმრობს. გგულშემატკივრობთ, თქვენ გვერდით ვარ… მთელი მსოფლიო თქვენ გვერდითაა, — დაწერა საქართველოს საზღვრიდან გაბრუნებულმა რუმინელმა კომიკოსმა.

About The Author

NEWSTODAY.GE

See author's posts