თუ გვინდა რუსეთში არ გავიღვიძოთ, აქციაზე დგომა სამსახურივით უნდა იყოს – ირაკლი კვირიკაძე

თუ გვინდა რუსეთში არ გავიღვიძოთ, აქციაზე დგომა სამსახურივით უნდა იყოს – ამის შესახებ რუსთაველის გამზირზე მისულმა მსახიობმა, ირაკლი კვირიკაძემ “პირველებს” განუცხადა.

რაც შეეხება “ოცნების” მიერ 29 აპრილს დაანონსებულ აქციას, მსახიობი ამბობს, რომ ამ პროვოკაციას არ უდნა ავყვეთ.

მგონია, რომ ჩემი ადგილი აქ არის, როგორც საქართველოს ყველა მოქალაქის, ვისაც არ უნდა, რომ გავიღვიძოთ რუსეთში. მგონია, რომ ეს უნდა იყოს სამსახურივით. უნდა გადავდოთ ყველა ჩვენი საქმე, ან მოვითავოთ, მოვიდეთ აქ და ვიდგეთ ერთად. ძალიან კარგი მუხტია ის, რაც ახალგაზრდებმა ამ 9 დღის განმავლობაში გააკეთეს. ხელისუფლების აქციის შესახებ მე ახლა გავიგე. მგონია, რომ ეს არის პროვოკაცია და ამას არ უნდა ავყვეთ”, – ამბობს ირაკლი კვირიკაძე.

დაკავებების და დაშინების მიუხედავად, პროტესტი რუსთაველზე გრძელდება. ამ წუთებიც ახალგაზრდები დედაქალაქის ცენტრში იმყოფებიან. აქციის მონაწილეები ლაზარე გრიგორიადისს რუსთაველზე ელოდებიან.

წყარო: TVPIRVELI

About The Author

NEWSTODAY.GE

See author's posts