NEWSTODAY.GE 
ვემზადებით ხვალინდელი დღისთვის, ხვალ გვექნება საყოველთაო-სახალხო შეკრება, სადაც ჩვენს მოლოდინსაც კი გადააჭარბებს მონაწილე ადამიანების რაოდენობა, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.
მისი თქმით, ხვალინდელი კონტრაქცია, რომელზეც „ოცნება“ მხარდამჭერების შეკრებას აპირებს, 18:00 საათზე ფილარმონიიდან დაიწყება, მსვლელობა პარლამენტის მიმართულებით 20:00 საათისთვის დასრულდება, რის შემდეგაც იგეგმება პოლიტიკური ლიდერების სიტყვით გამოსვლები.
„ვისთვისაც ძვირფასია მამული, ენა და სარწმუნოება, ეროვნული იდენტობა და ტრადიციები, თავისი ქვეყნის რეალური და ჭეშმარიტი ევროპული მომავალი, მოვუწოდებთ, შემოუერთდეს ხვალინდელ შეკრებას. ყველამ ერთად ვუთხრათ ყველას ქვეყნის შიგნით და გარეთ, რომ ეროვნული ერთობა, ის, რომ ჩვენი ქვეყნის დამოუკიდებლობა, სუვერენიტეტი, მამული, ენა და სარწმუნოება უმნიშვნელოვანესია, რა თქმა უნდა, უმნიშვნელოვანესია ჩვენი ქვეყნის ჭეშმარიტი ევროპული გზა ევროპულ, ეროვნულ ქრისტიანულ ღირებულებებზე დაფუძნებული”, – განაცხადა მდინარაძემ.
ცნობისთვის, სამოქალაქო და სტუდენტური მოძრაობები ერთობლივ განცხადებას ავრცელებენ და ამბობენ, რომ ეწინააღმდეგებიან ყოველგვარ დაპირისპირებას, ამიტომ ხვალ, „ოცნების” მიერ დაგეგმილი კონტრაქციის პარალელურად, 17:00 საათზე ვაკის პარკში შეიკრიბებიან. დღეს კი “რუსული კანონის” წინააღმდეგ აქცია 19:00 საათზე რუსთაველზეა დაიწყება.
About The Author
