ივანიშვილის ხელისუფლებას ახალგაზრდების ხმა იმიტომ არ ესმის, რომ სხვა მისიაზეა გასული – ირაკლი კვირიკაძე
NEWSTODAY.GE
1 min read
ივანიშვილის ხელისუფლებას ახალგაზრდების ხმა იმიტომ არ ესმის, რომ სხვა მისიაზეა გასული – ამის შესახებ აქციაზე რუსული კანონის წინააღმდეგ გასულმა მსახიობმა ირაკლი კვირიკაძემ “პირველებთან” განაცხადა.
კვირიკაძე ამბობს, რომ რუსული კანონის მიღების შემთხვევაში საქართველოს, როგორც ქვეყნის არსებობა დამთავრდება.
რაც შეეხება ხვალინდელ “რუსულ მარშს”, რომელსაც “ოცნება” მართავს, კვირიკაძე ამბობს, რომ ხვალ აქციაზე ადამიანები სამსახურის დაკარგვის გამო იდგებიან.
მე მგონია, რომ ხვალ აქციაზე ვინც იდგება, სამსახურის დაკარგვის გამო იდგება ქუჩაში, იმიტომ, რომ არ მჯერა, რომ იმ რაოდენობის ხალხისგან, რომელიც ხვალ გამოჰყავთ, არ შესტკიოდეთ გული იმაზე, რაც ხდება ქვეყანაში. მგონია, რომ გარკევული ძალდატანებაა მათ მიმართ, რაც ფაქტებადაც ვნახეთ. მე მგონია რომ აქ დგომა ყველას ვალია, ვისაც გვინდა დამოუკიდებელ საქართველოში ცხოვრება, ვისაც გვინდა, რომ ჩვენი შვილები თავისუფალ და ევროპულ საქართველოში ცხოვრობდნენ.
რატომ არ ესმის ახალგაზრდების ხმა ივანიშვილის ხელისუფლებას ? – იმიტომ, რომ სხვა მისიაზე არიან ალბათ. ხომ ვიცით ვისგანაც აქვთ ეს მისია, ეს არის მხოლოდ ერთი ქვეყნის, რუსეთის ინტერესი. ეს ფაქტად ჩანს ძალიან ღიად და ძალიან სუფთად.
თუ რუსულ კანონს დაამტკიცებენ, მაინც ვიდგებით ქუჩაში, ბოლომდე ვიდგებით, სანამ ჩვენი მოთხოვნები არ შესრულდება, ამ კანონის მიღება ნიშნავს, რომ ქრება ყველაფერი, ვსო ვიკეტებით და საქართველოს არსებობა, როგორც ცალკე ქვეყნის მთავრდება. ამიტომ ვიდგები იქამდე, სანამ შემიძლია რომ ვიდგე”, – ამბობს ირაკლი კვირიკაძე.
წყარო: TVPIRVELI
About The Author
