ჩვენი მოთხოვნაა, ივანიშვილის პარტიამ კანონი გაიწვიოს, წინააღმდეგ შემთხვევაში გამოვიყენებთ საპარლამენტო ბერკეტს – ბოკუჩავა
NEWSTODAY.GE
1 min read
“ჩვენი მთავარი მოთხოვნა არის, რომ რუსული კანონი გაიწვიოს ივანიშვილის პარტიამ” – ამის შესახებ განცხადება საპარლამენტო ფრაქცია “ერთიანი ნაციონალური მოძრაობის” თავმჯდომარემ, თინა ბოკუჩავამ გააკეთა.
მისი თქმით, იმ შემთხვევაში, თუ “ქართული ოცნება” კანონპროექტს უკან არ წაიღებს, ოპოზიციონერი დეპუტატები საპარლამენტო ბერკეტს გამოიყენებენ და ინიციატივის მიღების პროცესს გააჩერებენ.
ჩვენი მთავარი მოთხოვნა არის, რომ რუსული კანონი გაიწვიოს ივანიშვილის პარტიამ, თუმცა როგორც მინიმუმ დღეს, როდესაც არის მათი დაორგანიზებული რუსული მარში, სადაც ძალდატანებით მოჰყავთ ადამიანები და უმეტესწილად საჯარო სექტორის წარმომადგენლები. მნიშვნელოვანია, რომ კონფრონტაციის თავიდან აცილების მიზნით, რომ არ იყოს ასეთი ვნებათაღელვა, გადაიდოს დღევანდელი საკომიტეტო მოსმენა და აღნიშნულს დავაყენებთ ჩვენ დღის წესრიგში კომიტეტის დაწყებისთანავე.
თუმცა თუ არ გაითვალისწინეს ეს შეგონება მორიგ ჯერზე ივანიშვილის პარტიის წარმომადგენლებმა, ჩვენ გამოვიყენებთ ყველა საპარლამენტო ბერკეტს, იმისთვის რომ გავაჩეროთ აღნიშნული კანონის მიღების პროცესი.“- განაცხადა თინა ბოკუჩავამ.
About The Author
