“ოცნება” რეგიონებიდან “რუსულ მარშზე” იძულებით ჩამოყვანილი ხალხის რაოდენობით ამაყობს

ხმაური და დაპირისპირება პარლამენტში – მმართველი პარტია ამჯერად რეგიონებიდან “რუსულ მარშზე” იძულებით ჩამოყვანილი ხალხის რაოდენობით ამაყობს. “ოცნების” დეპუტატები სხდომათა დარბაზში ამტკიცებდნენ, რომ გუშინ რუსთაველზე  200 ათასი ადამიანი იდგა და ყველა თბილისში საკუთარი სურვილით ჩამოვიდა. ამ განცხადებას  დარბაზში ხმაური მოჰყვა, ოლიგარქის პარტიას ოპოზიციამ შეახსენა რომ იძულებით, რეგიონებიდან ჩამოსული მოქალაქეები ივანიშვილის გამოსვლასაც კი არ დალეოდნენ და  რუსთაველი დატოვეს. ივანიშვილის ხსენება კი პარლამენტში “ოცნების” დეპუტატებისთვის წითელი ხაზია, ამიტომ მთელი მმართველი პარტია ოპოზიციის ლანძღვაზე გადავიდა.

„გუშინ, ჩვენი 200 ათასი თანამოქალაქე შეიკრიბა რუსთაველზე და ამით თავისი მტკიცე პოზიცია გამოხატა მშვიდობის, დამოუკიდებლობის, ეროვნული ღირებულებების და სუვერენიტეტის დაცვის, საქართველოს ევროპული მომავლის მხარდასაჭერად. კიდევ ერთხელ დადასტურდა, ხელისუფლების მაღალი ლეგიტიმაცია. გუშინდელმა სახალხო შეკრებამ წერტილი დაუსვა რადიკალური ოპოზიციის გაყალბებულ მათემატიკას, საზოგადოების დაპირისპირების, მეტობის, ოდნავ ზევით დგომის მათემატიკას, რადგან გუშინ, რუსთაველზე მართლაც ზღვა ხალხი მოვიდა. მადლობა ჩვენს საზოგადოებას, თითოეულ ჩვენს მხარდამჭერს. თქვენს გარეშე რთული იქნება ამ რთულ პერიოდში ქვეყნის ინტერესების დაცვა, მშვიდობის შენარჩუნება და ევროპული ინტეგრაციის გზაზე არსებითი პროგრესის მიღწევა. სამწუხაროდ, იყო და რჩება მცდელობები, რომ საზოგადოების ერთ ნაწილს ამოფარებულმა ანტიდემოკრატიულმა ძალებმა არჩევნების გვერდის ავლით თავი პრივილეგირებულ, ხალხზე მაღლა მდგომ ჯგუფად გამოაცხადოს; მონოპოლია ჰქონდეს ჭეშმარიტებაზე, საჯარო პოლიტიკის შეფასებასა და თავისუფალ აზრზე და ეს იმ პირობებში, როდესაც გამჭვირვალობის და ანგარიშვალდებულების წინააღმდეგ, მზად არიან, ქვეყანაში დესტაბილიზაცია მოაწყონ. ეს ეწინააღმდეგება დემოკრატიის პრინციპებს“,- განაცხადა თალაკვაძემ.

About The Author

NEWSTODAY.GE

See author's posts