გამოვიყენებთ ყველა მკაცრ ღონისძიებას – შსს-მ აქციის მონაწილეებს “საერთაშორისო სტანდარტებით” დარბევა დაუანონსა

გამოვიყენებთ ყველა მკაცრ ღონისძიებას  – დაუანონსა რუსული კანონის საწინააღმდეგო აქციის მონაწილეებს შს სამინისტრომ. მასშტაბურ დემონსტრაციამდე რამდენიმე დღით ადრე, ცენტრალური კრიმინალური პოლიციის დეპარტამენტის დირექტორმა საგანგებო ბრიფინგი რუსული კანონის მოწინააღმდეგეების დასაშინებლად ჩაატარა. კუპატაძე ამტკიცებს, რომ აქციები ძალადობრივია და მოქალაქეებს უმკაცრესად დასჯიან. 

ძალოვანი უწყების მაღალჩინოსანი სპეცრაზმელების სისასტიკის გამართლებას სწორედ საერთაშორისო სტანდარტებით ცდილობდა. თუმცა კუპატაძეს არაფერი უთქვამს, რომელ სტანდარტში ჯდება აქტივისტების ქუჩა-ქუჩა ადევნება და მათ წინააღმდეგ სასტიკი ანგარიშსწორება. დღეს  გომელაურის უწყებიდან ხალხს პრაქტიკულად უთხრეს, რომ არავინ აპირებს მოძალადე სამართალდამცველების დასჯას, მიუხედავად იმისა, რომ დაზარალებულებს მათ წინააღმდეგ სასამართლოში სარჩელები შეაქვთ.

About The Author

NEWSTODAY.GE

See author's posts