შტატები მოქმედებაზე გადადის – ოპოზიცია ივანიშვილის და მისი გუნდის სანქცირებას არ გამორიცხავს
NEWSTODAY.GE
1 min read
ღია გზავნილების და მოწოდებების მიუხედავად, “ოცნება” უკან დახევას არ აპირებს, შტატები კი მოქმდებაზე გადადის.
ოპოზიციაში ამბობენ, რომ ეს ადასტურებს იმას, რომ ამერიკა მხოლოდ განცხადებებით არ შემოიფარგლება და შტატების გზავნილებს თან მოქმედებები და შედეგებიც მოჰყვება.
ჩვენ ვხედავთ, რომ შტატებში ორპარტიული მხარდაჭერა აქვს საქართველოს მიმართ ამერიკის მხრიდან მოქედების გეგმას და ეს გეგმა არის მხარდაჭერა ჩვენი ხალხის მიმართ და საქართველოში დემოკრატიული პროცესის მიმართ და სანქცირება იმ ადამიანების, ვინც ქართველი ხალხის ნების წინააღმდეგ ცდილობს ამ ქვეყნას შეუცალოს განვითარების კურსი და დაასრულოს ამ ქვეყანაში დემოკრატიის პერსპექტივა. ამიტომ, ის, რომ სწრაფად მიდის პროცესი, ის, რომ პროცესს ორივე პარტიის წარმომადგენლების მხრიდან არის საჯარო მხარდაჭერა, ადასტურებს იმას, რომ ამერიკა, მხოლოდ განცხადებებს კი არ აკეთებს, არამედ ამ განცხადებებს მალე მოჰყვება ძალიან კონკრეტული შედეგები და მოქმედებები”. – აცხადებს “ლელოს” ერთ-ერთი ლიდერი ანა ნაცვლიშვილი.
“ევროოპტიმისტების” წევრი ხატია დეკანოიძე ამბობს, რომ თუ შტატებისგან უპრეცედენტო მხარდაჭერა მიღებული არ იქნება და ამაზე უარს იტყვის საქართველოს მთავრობა, მაშინ, როგორც MEGOBARI Act-შია ნატქვამი, სანქციები აუცილებლად იქნება “ოცნების” მაღალჩინოსნების და კონკრეტულად ივანიშვილის მიმართ.
მალე სენატშიც იქნება წარდგენილი ზუსტად იგივე “მეგობრობის აქტი”, უფროსწორად ეს იქნება საქართველოს მოსახლეობის დახმარების აქტი, რომელიც ზუსტად იგივე ფართო პაკეტს შესთავაზეს საქართველოს მოქალაქეებს. შტატების მხარდაჭერა ქართველი ხალხის მიმართ არის უპრეცედენტო და თუ ეს შეთავაზებები და დემოკრატიული წინსვლა არ იქნება ჩვენს ქვეყანაში, სანქციები, რომელიც ასევე ამ აქტებშია მოცემული, იქნება გარდაუვალი კონკრეტულად “ოცნების” მაღალჩინოსნების და კონკრეტულად ივანიშვილის მიმართ”, – ამბობს ხატია დეკანოიძე.
ვაშინგტონიდან ცნობილი ხდება, რომ შესაძლოა, დღესვე დაინიცირდეს MEGOBARI Act, რომელიც, მათ შორის “ოცნების” ლიდერების სანქცირებას გულისხმობს. ინფორმაცია Foreign Press USA-ს კორესპონდენტმა ალექს რაუფოღლუმ წყაროზე დაყრდნობით გაავრცელა. ახლა საინტერესოა, რატომ დაჩქარდა ეს პროცესები?
20 მაისს გამოცემა “პოლიტიკომ” გაავრცელა ინფორმაცია, რომ სამხრეთ კაროლინის რესპუბლიკელმა კონგრესმენმა, ჯო უილსონმა კონგრესში ამ კვირაში კანონპროექტი – MEGOBARI Act წარადგინდა.
რა არის “მეგობარი აქტი”
ეს არის ახალი კანონპროექტი, რომლის დამტკიცების შემდეგაც საქართველოს მოქალაქეები მიიღებენ უვიზო მიმოსვლას ამერიკასთან. ქართული ბიზნესი მიიღებს თავისუფალ ვაჭრობას შტატებთან, რაც ქართულ კომპანიებს უსაზღვრო შესაძლებლობს გაუხსნის და მესამე – ქვეყანა მიიღებს თავდაცვის უპრეცედენტო ინსტრუმენტებს, რომ თავი სრულად უსაფრთხოდ ვიგრძნოთ.
რას ითხოვს სანაცვლოდ შტატები?
უარი თქვას ივანიშვილის რეჟიმმა არადემოკარტიულ ნაბიჯებზე, გაიწვიოს რუსული კანონი და რაც მთავარია, ჩაატაროს სამართლიანი და გამჭვირავლე არჩევნები.
About The Author
