ჩვენი ისტორია გვასწავლის, რომ ბევრმა ადამიანმა გაწირა ქვეყნისთვის თავი.. მზად ვართ, რომ გავაგრძელოთ ეს გზა – დავით კაჭარავა
NEWSTODAY.GE
1 min read
“ჩვენი ქვეყნის ისტორია გვასწავლის იმას, რომ ძალიან ბევრმა ადამიანმა გაწირა თავისი ქვეყნისთვის თავი, ამიტომ მე ვფიქრობ, რომ ის პოზიცია, რაც ჩვენ გვიჭირავს, ეს არის ეროვნული პოზიცია,” – ამ განცხადებით პასუხობს საპარლამენტო უმრავლესობის წევრი დავით კაჭარავა აშშ-ის მხრიდან სანქციების დაწესებას.
კაჭარავა ეხმაურება ენტონი ბლინკენის განცხადებას, რომელიც ამბობს, რომ აშშ საქართველოს დემოკრატიისთვის ძირის გამოთხრის გამო სანქციებს დააწესებს.
“ამ სანქცირებით ვერავის შეაშინებენ, ჩვენ არ გავცვლით და არ ვივაჭრებთ ჩვენი ქვეყნის ინტერესებით” – ამბობს კაჭარავა და ამტკიცებს, რომ პარლამენტი პრეზიდენტის ვეტოს დაძლევს და რუსული კანონი ძალაში შევა.
წარმოუდგენელი რაღაც ხდება მთელ მსოფლიოში, ლეგიტიმურად არჩეული ხელისუფლებას აშანტაჟებდნენ და ემუქრებიან სანქციებით მხოლოდ იმის გამო, რომ გამჭვირვალობის შესახებ კანონი მივიღეთ. ეს არის პირდაპირ შანტაჟი და ქვეყნის შიდა საქმეებში ჩარევა, რაც ჩვენთვის მიუღებელია და ჩვენ არ ვაპირებთ არცერთი ნაბიჯის უკან გადადგმას და ვაჭრობას ჩვენი ქვეყნის სუვერენიტეტით,“ – ამბობს კაჭარავა.
დავით კაჭარავა ამბობს, რომ მისი გუნდი “თავგანწირვისთვის” მზად არის.
ჩვენი ქვეყნის ისტორია გვასწავლის იმას, რომ ძალიან ბევრმა ადამიანმა გაწირა თავისი ქვეყნისთვის თავი, გადადგა ნაბიჯები ჩვენი დამოუკიდებლობისთვის, ფასეულობებისთვის, ამიტომ მე ვფიქრობ, რომ ის პოზიცია, რაც ჩვენ გვიჭირავს, ეს არის ეროვნული პოზიცია, ეს არის ჩვენი ქვეყნის ინტერესები, მე მზად ვარ და ჩვენი გუნდი მზად ვართ, რომ გავაგრძელოთ ეს გზა, მთავარია, რომ ჩვენ ვართ მართლები და ამ სიმართლით ვივლით,“ – ამბობს კაჭარავა.
About The Author
