სტიქია მცხეთის მუნიციპალიტეტში – წყალდიდობამ პრობლემები შექმნა ცხვარიჭამიაში, ძეგვში, ნიჩბისში, ძალისსა და ნავდარაანთკარში

ტიქია მცხეთის მუნიციპალიტეტში – მოსულმა უხვმა ნალექმა, წეროვანთან ერთად, პრობლემები შექმნა ცხვარიჭამიის, ლისის, ძეგვის, ნიჩბისის, ძალისისა და ნავდარაანთკარის ადმინისტრაციული ერთეულების სოფლებშიც. 

როგორც მცხეთის მერია ამბობს, უამინდობის გამო შექმნილი პრობლემების მოგვარების მიზნით, ამ ეტაპზე შესაბამისი ღონისძიებები ტარდება.

“სტიქიურმა პროცესებმა მნიშვნელოვნად დააზარალა წეროვანის დევნილთა დასახლება, დაიტბორა ქუჩები, სახლები და საკარმიდამო ნაკვეთები. წყალდიდობამ პრობლემები შექმნა ცხვარიჭამიის, ლისის, ძეგვის, ნიჩბისის, ძალისის წეროვნის და ნავდარაანთკარის ადმინისტრაციული ერთეულების სოფლებშიც.

უამინდობის გამო შექმნილი პრობლემების მოგვარების მიზნით, ამ ეტაპზე შესაბამისი ღონისძიებები ტარდება.

წეროვნის დევნილთა დასახლებაში იმყოფება მცხეთა-მთიანეთის მხარის სახელმწიფო რწმუნებული დავით ნოზაძე, მცხეთის მუნიციპალიტეტის მერი დიმიტრი ზურაბიშვილი, ახალგორის მუნიციპალიტეტის გამგებელი და თვითმმართველობის სხვა წარმომადგენლები. პარალელურად, შექმნილია სტიქიისგან მიყენებული ზარალის დამთვლელი კომისიაც,” – ნათქვამია მცხეთის მერიის განცხადებაში.