NEWSTODAY.GE 
უკრაინის პრეზიდენტი ვოლოდიმირ ზელენსკი დღეს, ორშაბათს მადრიდში ჩავა, სადაც მოლაპარაკებებს ესპანეთის პრემიერმინისტრ, პედრო სანჩესთან გამართავს.
ესპანეთის პრემიერის ოფისის ცნობით, შეხვედრა ადგილობრივი დროით შუადღისას გაიმართება, რის შემდეგაც ლიდერები პრესკონფერენციას გამართავენ. ესპანეთის სამეფო ოჯახის განცხადებაში ნათქვამია, რომ მეფე ფელიპე VI ასევე მიიღებს უკრაინის ლიდერს სასახლეში.
როგორც AFP იხსენებს, ეს ზელენსკის პირველი ოფიციალური ვიზიტია ესპანეთში 2019 წელს ხელისუფლებაში მოსვლის შემდეგ. უკრაინის პრეზიდენტი მადრიდში ჩამოსვლას მაისის შუა რიცხვებში გეგმავდა, მაგრამ ხარკოვის რეგიონში რუსეთის შეტევის გამო იძულებული გახდა ვიზიტი გადაედო.
ოთხშაბათს სანჩესმა ესპანეთის პარლამენტს განუცხადა, რომ როგორც კი ფრონტზე არსებული ვითარება საშუალება მისცემდათ, მადრიდი და კიევი გააფორმებდნენ ორმხრივი თანამშრომლობის შეთანხმებას.
About The Author
