გულშემატკივრები ნაკრების თამაშებს მიხეილ მესხის სახელობის სტადიონის ტრიბუნებიდან სრულიად უფასოდ უყურებენ – დეტალები

საქართველოს ფეხბურთის ფედერაცია გულშემატკივარს საშუალებას აძლევს 18, 22 და 26 ივნისს საქართველოს ნაკრების მატჩებს მიხეილ მესხის სახელობის სტადიონის ტრიბუნებიდან სრულიად უფასოდ უყუროს.

საჯარო ჩვენება თბილისის მერიის ხელშეწყობითა და კრისტალბეთ ეროვნული ლიგის გენერალური სპონსორის, კრისტალბეთის ორგანიზებით იმართება.

მაყურებელს პირდაპირი რეპორტაჟის ნახვა მინდორზე ყველა კუთხეში დამონტაჟებული ეკრანების საშუალებით შეეძლება. ეროვნული გუნდის ჯგუფური ეტაპის სამივე მატჩის პირდაპირ ტრანსლაციას ექსკლუზიურად საქართველოს პირველი არხი შემოგვთავაზებს.

სტადიონის მიმდებარე ტერიტორიაზე იმუშავებს საკვები ობიექტები და ნაკრების ახალი ოფიციალური მაღაზია, სადაც საგულშემატკივრო ატრიბუტიკის შეძენას შეძლებთ.

About The Author

NEWSTODAY.GE

See author's posts