პირველ რიგში, ევროპის ჩემპიონატზე უნდა ვითამაშო და მერე ვნახოთ – გიორგი მამარდაშვილი

30 ივნისს, 23:00 საათზე საქართველოს ნაკრები მორიგ ისტორიულ მატჩს გამართავს. ევროპის ჩემპიონატის მერვედფინალში ვილი სანიოლის გუნდი ტურნირის ერთ-ერთ ფავორიტს, ესპანეთის ნაკრებს დაუპირისპირდება.

ჩვენი ნაკრების მეკარემ, გიორგი მამარდაშვილმა შეხვედრამდე ესპანურ COPE-სთან ინტერვიუ ჩაწერა და მომავალი მატჩის გარდა, თავის მომავალზე ისაუბრა.

…ევროზე მის თამაშზე: “თავს კარგად ვგრძნობ. ვფიქრობ, ამ სამ მატჩში ძალიან კარგად ვითამაშე. ახლა, იგივენაირად უნდა გავაგრძელო.”

…ყველაზე მნიშვნელოვან შეტყობინებაზე, რომელიც მან ამ დროის განმავლობაში მიიღო: “შეტყობინება მივიღე ჩემი მწვრთნელისგან, ხოსე ოჩოტორენასგან. მითხრა, რომ ძალიან კარგად ვთამაშობ და ასე უნდა გავაგრძელო. ის ჩემთვის ძალიან მნიშვნელოვანია. როგორც მწვრთნელი და ადამიანი ძალიან კარგია.”

…მომდევნო მეტოქეზე: “ესპანეთი ამ ტურნირის ფავორიტია. დიდებული ნაკრებია, მაგრამ დაცვაში კარგად უნდა ვითამაშოთ, უნდა ვიბრძოლოთ და კონკურენცია გავუწიოთ, შემდეგ კი, ვნახოთ, რა მოხდება. პირველ რიგში, ძალიან კარგად უნდა ვითამაშოთ დაცვაში და კონტრშეტევაზე სწრაფად და მარტივად უნდა გადავიდეთ. ესპანეთის ნაკრებიდან ერთი ფეხბურთელის არჩევა რომ შემეძლოს, რომელიც ჩვენთან ვერ ითამაშებს, ლამინ იამალი იქნება.”

…მომავალზე: “კონტრაქტის მიხედვით ვალენსიასთან კიდევ 3 წელი მაკავშირებს. პირველ რიგში, ევროპის ჩემპიონატზე უნდა ვითამაშო და მერე ვნახოთ. ჩემს აგენტთან ჯერ არ მისაუბრია, რადგან ჯერ ევროზე მაქვს სათამაშო.”

გიორგი მამარდაშვილი ევრო 2024-ის ჯგუფური ეტაპის საუკეთესო მეკარე იყო. მას ყველაზე მეტი მოგერიებული ბურთი დაუგროვდა და ჩეხეთთან შეხვედრის MVP-ც გახდა.

წყარო: Europop.ge

About The Author

NEWSTODAY.GE

See author's posts