
ქართული ოცნების მორიგი მხარდამჭერი განცხადება რუსეთიდან – საგარეო დაზვერვა ამტკიცებს, რომ აშშ საქართველოში ხელისუფლების შეცვლას გეგმავს:
საგარეო დაზვერვის სამსახურის მიერ მიღებული მონაცემები მიუთითებს იმაზე, რომ ვაშინგტონს გადაწყვეტილი აქვს მიაღწიოს ძალაუფლების შეცვლას საქართველოში 26 ოქტომბრის არჩევნების შედეგების შემდეგ, ბაიდენის ადმინისტრაციამ უკვე შეიმუშავა ფართომასშტაბიანი საინფორმაციო კამპანია მმართველი პარტია „ქართული ოცნების“ დისკრედიტაციისთვის – აცხადებს რუსეთის საგარეო დაზვერვა [СВР] თავის ვებგვერდზე გავრცელებულ განცხადებაში.
რუსული დაზვერვის მტკიცებით, “საქართველოს პრეზიდენტმა ს.ზურაბიშვილმა უნდა ითამაშოს მთავარი როლი ანტისამთავრობო განწყობების გაღვივებაში”.
ნარიშკინის უწყება ამტკიცებს, რომ ამერიკელმა „კურატორებმა“ უკვე “მისცეს ბრძანება” ოპოზიციურ ძალებს საქართველოში, “დაიწყონ საპროტესტო აქციების დაგეგმვა არჩევნების დროისთვის”.