
ლექსო ლაშქარავას გარდაცვალებიდან სამი წელი გავიდა. გარდაცვალებამდე ლექსო, 5 ივლისს სიძულვილის ჯგუფების მიერ ძალადობის მსხვერპლი გახდა. ის “სირცხვილიას” ოფისთან სასტიკად სცემეს და მძიმე დაზიანებები მიიღო. ლექსო კლინიკიდან გამოწერის შემდეგ მკურნალობას სახლში განაგძობდა.
12 ივლისს, მაშინ, როცა ლაშქარავა ჯერ კიდევ არ იყო დაკრძალული, თბილისში, რუსთაველის გამზირზე კი მრავალრიცხოვანი აქციები იმართებოდა, შინაგან საქმეთა სამინისტრომ ლექსო ლაშქარავს გაშავების კამპანია დაიწყო, თუმცა პოლიციის გასაჯაროვებული ლექსოს გადაადგილების კადრები დიდი ეჭვებს ბადებს, საქმეში ტვ პირველმა არა ერთი მოწმის საეჭვო ჩვენება აღმოაჩინა, რომელიც აჩენდა განცდას, რომ ეს ჩვენები შინაგან საქმეთა სამინისტრომ, მოქალაქეებზე ზემოქმედების შედგად მოიპოვა და ფაქტები დამახნიჯებული იყო.
2022 წელს, ლექსო იუნესკომ, მოკლული ჟურნალისტების სიაში შეიყვანა. ამ სიაში ლაშქარავა მეორე ჟურნალისტია, ვინც იუნესკომ საქართველოში მშვიდობიან ხანაში მოკლულად მიიჩნია. საქართველოდან იუნესკოს სიაში პირველი ჟურნალისტი გიორგი სანაია იყო, რომელიც 2001 წლის ივლისში მოკლეს.