ქეთი ჯავახიშვილის წამებით მკვლელობა ლილოში – ვის გამოკითხავენ დღევანდელ პროცესზე
NEWSTODAY.GE
1 min read
თბილისის საქალაქო სასამართლოში 22 წლის გოგოს მკვლელობის საქმის განხილვა მოწმეების გამოკითხვით გრძელდება. ლილოში მომხდარი სასტიკი ანგარიშსწორების საქმეზე დღესს მოკლული ქეთი ჯავახიშვილის მეგობარი და მისი არასრულწლოვანი და უნდა გამოკითხონ.
ბრალდების მხარე ასევე გეგმავს გამოკითხოს სასწრაფო-სამედიცინო დახმარების ექიმი, რომელმაც პირველმა დაათვალიერა მოკლული გოგოს სხეული და ასევე იგეგმება ფსიქიატრის გამოკითხვაც, რომელთანაც მკურნალობის კურსს გადიოდა 22 წლის გოგო.
განსასჯელის სკამზე ოთარ ცინდელიანი ზის, გამოძიების ვერსიით, სწორედ მან მიაყენა ახალგაზრდა ქალს სახის და ყელ-კისრის არეში ჯამში 53 ჭრილობა. ბრალდებული ამ დრომდე დუმს.
გამოიკვლევა ყველა ის მტკიცებულება, რომელიც გადაღებულია ფოტოსურათების სახით, ერთის მხრივ ბრალდებულის საცხოვრებულ სახლში, მათ შორის, როდესაც მან მოწმინდა და მორეცხა სისხლისმაგვარი ლაქები, თუმცა სპეციალური ხსნარის მეშვებოით გამოჩნდა, რომ იქ იყო სისხლის კვალი.
მოწმის სახით როდესაც არის გამოკითხული მან აღიარა დანაშაული. მას შემდეგ, სასამართლო პროცესებზე ის იყენებს დუმილის უფლებას და არც აქტიურად არ არის ჩართული მტკიცებულებების გამოკვლებაში”, – აცხადებს პროკურორი.
21 წლის ქეთი ჯავახიშვილი 28 თებერვალს, ლილოში განსაკუთრებული სისასტიკით მოკლეს. უმძიმესი დანაშაულისთვის პოლიციამ ოთარ ცინდელიანი დააკავა, რომელიც მოკლულის ნათლიის შვილია.
ქეთი ჯავახიშვილს 59 ჭრილობა ჰქონდა მიყენებული. დაკავებული დუმილის უფლებას იყენებს.
ოთარ ცინდელიანს ბრალდება საქართველოს სისხლის სამართლის კოდექსის 109-ე მუხლის „თ“ და „მ“ ქვეპუნქტით (განზრახ მკვლელობა, ჩადენილი გენდერის ნიშნით, განსაკუთრებული სისასტიკით) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
“შაბათის ეთერის” მიერ მოპოვებული მტკიცებულებებით, კაცი, რომელმაც გამოძიების ვერსიით, 22 წლის გოგო წამებით მოკლა, ნარკოტიკების ზემოქმედების ქვეშ იყო.
გამოძიებისთვის მიცემულ ჩვენებაში ნარკოტიკებზე დამოკიდებულად ბრალეული ოთარ ცინდელიანი არ უარყოფს, რომ როდესაც ქეთი ჯავახიშვილს 59 ჭრილობა დანით მიაყენა, ამფეტამინის ზემოქმედების ქვეშ იმყოფებოდა.
