
თუ ვინმე არის ამ ქვეყანაში სიმშვიდის დამრღვევი და ომის პარტია, ეს არის „ქართული ოცნება“, – ამის შესახებ პარტია “ახალის” თანათავმჯდომარე ნიკა გვარამია საუბრობს. ოპოზიციონერი ლიდერი ივანიშვილის იმ განცხადებას ეხმიანება, სადაც ოლიგარქი აგვისტოს ომის დაწყებაში ისევ წინა ხელისუფლებას ადანაშაულებს.
სიტყვა „ომს“ ხმარობენ ყველა ბრუნვაში და ყველაზე ხშირად, რაც არანორმალური ვითარებაა და ცხადყოფს, რომ თუ ვინმე არის ამ ქვეყანაში სიმშვიდის დამრღვევი და ომის პარტია, ეს არის „ქართული ოცნება“. არავითარი ომი ამ ქვეყანაში არ იქნება და რამდენიც არ უნდა შეაშინოს საქართველოს მოსახლეობა „ქართულმა ოცნებამ“, ჩვენ ძალიან კარგად ვიცით, სად არის ჩვენი უსაფრთხოება სინამდვილეში – ეს არის დასავლეთში, – ამბობს ნიკა გვარამია.
ივანიშვილი აგვისტოს ომის დაწყებაში ისევ საკუთარ ქვეყანას ადანაშაულებს. ამის შესახებ ოლიგარქმა მმართველი პარტიის ახალი ოფისის გახნის პრეზენტაციაზე ისაუბრა.