NEWSTODAY.GE 
თბილისში, დღეს ტრაგიკული შემთხვევა მოხდა. რასაც 19 წლის რევი დემეტრაშვილი ემსხვერპლა. არსებობს ეჭვი, რომ მოტოციკლის მძღოლს საპატრულო პოლიციის ეკიპაჟი აედევნა და მას გზა ჩაუკეტა.
აქვს თუ არა უფლება, საპატრულო პოლიციის თანამშრომლებს გადაუკეტოს გზა, მოქალაქეს დაუმორჩილებლობლის შემთხვევაში? — ამ კითხვით NEWSTODAY.GE-მ შსს-ს უკვე მიმართა, თუმცა უწყება პასუხისგან თავს იკავებს. [ პასუხის მიღების შემთხვევაში, მასალა განახლდება]
რა წერია კანონში?
„პოლიციის შესახებ“ საქართველოს კანონში ცვლილებებისა და დამატებების შეტანის თაობაზე:
„მუხლი 11. ფიზიკური იძულების გამოყენება
პოლიციელს უფლება აქვს გამოიყენოს ფიზიკური იძულება, მათ შორის, ორთაბრძოლის სპეციალური ხერხები პირადი ან/და მოქალაქეთა უსაფრთხოების დაცვის უზრუნველსაყოფად, დანაშაულის ან/და ადმინისტრაციული სამართალდარღვევის აღსაკვეთად, დამნაშავისა და ადმინისტრაციული სამართალდამრღვევის დასაკავებლად, თუ უძალადო მეთოდების გამოყენება ვერ უზრუნველყოფს პოლიციელის მიერ კანონით დაკისრებული მოვალეობების შესრულებას.
- ე) ტრანსპორტის იძულებითი გაჩერების საშუალება – სატრანსპორტო საშუალების იძულებით გასაჩერებლად, რომლის მძღოლმა არ შეასრულა პოლიციელის მოთხოვნა გაჩერების შესახებ;
საქართველოს კანონის მიხედვით, პოლიციას უფლება აქვს დაუმორჩილებლობის შემთხვევაში, გამოიყენოს ტრანსპორტის იძულებითი გაჩერების საშუალება, თუმცა არა გზის ჩახერგვა სხვა სატრანსპორტო საშუალებით.
გამოყენებული უნდა იყოს სპეციალური საშუალებები: ე.წ. ზღარბი დიანა / სპეციალური ბადე
ვრცლად იხილეთ დოკუმენტი.
ცნობისთვის, ეს პირველი შემთხვევა არ არის და პოლიციამ მითითებული კანონი ადრეც დაარღვია, რასაც ქართული ოცნების დეპუტატის, ირაკლი ხახუბიას ვაჟი — ბექა ხახუბია შეეწირა. მაშინ, პოლიციის ბრალი დადგინდა და პირი პასუხისგებაში მიეცა.
შეგახსენებთ, შემთხვევა დღეს დილით ყაზბეგის გამზირზე მოხდა. გამოძიება პროკურატურამ 276 მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას ნიშნავს, რამაც ადამიანის სიცოცხლის მოსპობა გამოიწვია.
About The Author
