ვისაც უნდა, ითამაშოს. ჩემი პირადი აზრია, რომ ფეხბურთი ქალების საქმე ნაკლებად არის — გიორგი გველესიანი

ერთ–ერთ ინტერვიუში, ფეხბურთელ გიორგი გველესიანს კითხვა  საქართველოს ქალთა საფეხბურთო ნაკრების წარმატებასთან დაკავშირებით დაუსვეს. კითხვის შინაარსი მოიცავდა შემდეგს – კიდევ ფიქრობს თუ არა გველესიანი, რომ ფეხბურთი ქალების საქმე არაა.

„ვისაც უნდა, უნდა ითამაშოს. ჩემი პირადი აზრია, რომ ფეხბურთი ქალების საქმე ნაკლებად არის.  მე პირადად ვფიქრობ, რომ ქალებს ფეხბურთი ნაკლებად გამოსდით. თუმცა, როცა ჩვენი, ქალთა ნაკრების თამაშებს ვუყურებ, გაკვირვებული ვარ და შესაძლოა, ჩემი აზრი მალე შეიცვალოს” – განაცხადა გველესიანმა.

მოგვიანებით, გველესიანის ამ კომენტარს ქალთა ნაკრების ყოფილი კაპიტანი ნინო სუთიძეც გამოეხმაურა

• “შენ არავინ გაბულინგებდა ფეხბურთელობისთვის, მე მაბულინგებდნენ! შენ ბიჭი იყავი და მეტი გასაქანი ჰქონდა შენს მომავალს. ჩემსას – არა” – ქალთა ნაკრების ყოფილი კაპიტანი გიორგი გველესიანს მიმართავს

ცნობისთვის, საქართველოს ქალთა საფეხბურთო ნაკრებმა მნიშვნელოვან წარმატებას მიაღწია. ნაკრები  ევროპის ჩემპიონატის საკვალიფიკაციო ეტაპის პლეი ოფში გავიდა.  ნაკრების მთავარმა მწვრთნელის ირის ანტამანის გაწვრთნილებმა ევროპის ჩემპიონატის საკვალიფიკაციო ეტაპის ჯგუფური რაუნდის დასკვნითი მატჩი სტუმრად ლიეტუვის ნაკრებთან გამართეს, 1:0 გაიმარჯვეს და ჯგუფში მეორე ადგილი დაიკავეს, რითიც პლეი ოფში ითამაშებენ.

პლეი ოფის ფარგლებში ევროპის ჩემპიონატის საგზურისთვის A, B და C ლიგის 28 გუნდი ევროპის ჩემპიონატის 7 საგზურისთვის იბრძოლებს.

ასევე იხილეთ:

• გიორგი გველესიანი პოლიტიკაში მიდის — ფეხბურთელის პასუხი?

• გიორგი გველესიანის ეროვნულ ნაკრებამდე განვლილი მძიმე გზა – წავა თუ არა ფეხბურთელი პოლიტიკაში?

About The Author

NEWSTODAY.GE

See author's posts