
ტრაგედია დატრიალდა რაჭაში. ონის მუნიციპალიტეტში მომხდარ ავტოსაგზაო შემთხვევას 3 ადამიანი ემსხვერპლა.
ახალგაზრდები რაჭაში თბილისიდან სტუმრად იმყოფებოდნენ — დაღუპულები უბნელებ არიან.
ნიუსთუდეის-ს ინფორმაციით, ერთ-ერთი გარდაცვლილი ლუკა ჯიქურაძეა.
“ტრაგედია ტრიალებს, ინგრევა მთელ ნახალოვკა ამ ბიჭების ცოდვით. სამივე გარდაცვლილი ნახალოვკელია. სოფელ ხიდაშელებში სტუმრად იყვნენ, იქიდან წამოსვლისას მოხდა ტრაგედია. ორი დღით იყვნენ იყვნენ წასულები. ჩემს ხელში გაზრდილია. ერთი და ჰყავს და ერთი ტყუპი ძმა. ხევში გადავარდა მანქანა. ძალიან კარგი და წესიერი ბიჭი იყო” – გვიყვება გარდაცვლილი ლუკა ჯიქურიძის ახლობელი.
მომხდარზე გამოძიება 276-ე მუხლის მეექვსე ნაწილით დაიწყო.