“ერთხელ ვილიმ გამიყვანა და მითხრა, კოლექტივთან არ ახლობლობ და რაშია საქმეო?” – გიორგი გველესიანმა აქამდე უცნობი ისტორია გაამხილა
NEWSTODAY.GE
1 min read
საქართველოს ეროვნული ნაკრებისა და “პერსეპოლისის” ცენტრალურმა მცველმა გიორგი გველესიანმა ნოე სულაბერიძის გადაცემაში “ნოესთან” სხვადასხვა თემაზე ისაუბრა.
გველესიანის თქმით, იგი კლასიკურ ფეხბურთელებს არ ჰგავს და კოლექტივთან მუდმივად კონტაქტს ვერ ახერხებს.
“ყოველთვის აღნიშნავდნენ ფეხბურთელები, რომ ჩემთან მეგობრობა ცოტა ერთულებოდათ. განა იმიტომ, რომ ვერ შეძლებდნენ ან არ შეეძლოთ, უბრალოდ ტიპაჟურად სხვა ფეხბურთელებისგან განვსხვავდებოდი. ამას ჩემ სასიკეთოდ არ ვამბობ. ხანდახან კოლექტივთან ერთად როცა ხარ, ჯობს, რომ იმ კოლეგებთან 100%-ით კონტაქტური იყო და მე ეს მიჭირდა…
ვილიმაც აღნიშნა ერთხელ, გამიყვანა გვერდით და მითხრა: “გიორგი, შენროგორც გიყურებ, მაინცდამაინც კოლექტივთან არ ახლობლობ და რაშია საქმეო?” ვუთხარი, რომ ასეთი ტიპაჟი ვარ, შესაძლოა, ირანის გავლენაც კი იყოს-მეთქი. ჰო, დარწმუნებული ვარ, რომ ირანის გავლენაც იქნებაო…
სინამდვილეში, ეს ირანის გავლენა არ არის, თუმცა მარტო ცხოვრების გავლენა არის. მაგრამ საერთო ჯამში, მაინც ალბათ განვსხვავდები ტიპაჟურად კლასიკური ფეხბურთელის გაგებისგან”, – განაცხადა გველესიანმა.
- ასევე იხილეთ: გიორგი გველესიანის სკანდალური განცხადება დავით ყიფიანზე და ალექსანდრე ჩივაძეზე – “ისინი იყვნენ დიდებული ფეხბურთელები, მაგრამ…”
About The Author
