
სვანეთში ორი მოქალაქის ძებნა-შველის ოპერაცია გრძელდება – “პირველების” ინფრომაციიით სამაშველო ოპერაციაში ძველი ვერტმფრენი მი-8 მონაწილეობს და არა ახალი ფრანგული ვერტმფრენი, რომლის შეძენაშიც მილიონობით ლარი დაიხარჯა და რომელსაც ფრენა რთულ მეტეოროლოგიურ პირობებშიც შეუძლია.
ამიტომ, ახლა ჩნდება კითხვა, სად არის ახალი ვერტმფრენი და რატომ არ ჩართეს ის ძებნა-შველის ოპერაციში.
გოგიტა ფარჯიანის და გიორგი გვიჩიანის ახლობლების მოთხოვნის შემდეგ, დღეს დილით სამძებრო სამუშაოებში დილიდან სასაზღვრო პოლიციის ვერტმფრენი ჩაერთო.
საგანგებო სიტუაციების მართვის სამსახურის ცნობით, ძებნა-შველის ოპერაციაში განსაკუთრებულ სიტუაციებზე რეაგირების, თბილისის, იმერეთისა და მესტიის სამთო სამაშველო ძალები და სამაშველო დრონები არიან ჩართულები.
უწყებაში აღნიშნავენ, რომ ორი მოქალაქის დაკარგვის შესახებ 112-ში შეტყობინება 24 ივლისს შევიდა.
გოგიტა ფარჯიანს და გიორგი გვიჩიანს ახლა ლასილის უღელტეხილზე ეძებეენ. ძებნის ოპერაციაში ავიაციის გარდა, ჩართულია ცოცხალი ძალა. პროფესიონალ მაშველებს მოხალიისეებიც ეხმარებიან. მოქალაქეებმა მობილიზაცია სოციალურ ქსელში გამოაცხადეს, როცა გაიგეს, რომ დაკარგულების ახლობლების თქმით, ისინი ხელისუფლებამ უყურადღებოდ მიატოვა. ადგილობრივებმა ღამით პროტესტის ნიშნად გზაც კი გადაკეტეს. ისინი სამძებრო სამუშაოებში ვერტმფრენისა და დრონების ჩართვას მოითხოვდნენ.
ფარჯიანთან და გვიჩიანთან ბოლო კონტაქტი სამი დღის წინ შედგა. ამიტომ, ახლობლებს უჩნდებათ კითხვა, სად იყო ამდენ ხანს შინაგან საქმეთა სამინისტრო, რატომ ჩართო სამაშველო ვერტმფრენი ძებნის გამოცხადებიდან მხლოდ მეექვსე დღეს?
შეგახსენებთ, რომ მე-6 დღეა სვანეთში ორ დაკარგულ ახალგაზრდას გოგიტა ფარჯიანსა და გიორგი გვიჩიანს უშედეგოდ ეძებენ.