კალაძე ამტკიცებს, რომ ძვირადღირებული საათები პირად ხარჯებში შედის – რას ამბობენ კორუფციის მკვლევარები
NEWSTODAY.GE
1 min read
დედაქალაქის მერი უხერხულობაში აღმოჩნდა. “პირველების” ჟურნალისტმა კახი კალაძეს აჩვენა მისი ქონებრივი დეკლარაცია და სთხოვა, ეჩვენებინა, სად იყო მითითებული ის ძვირადღირებული საათები, რომელზეც “შაბათის ეთერის” საგამოძიებო რეპორტაჟში იყო საუბარი. კალაძე დღეს ამტკიცებდა, რომ ეს პირადი ხარჯებია და დოკუმენტშიც მიტომ არაა ასახული.
კორუფციის მკვლევარები განმარტავენ, თუ რატომ და როგორ უნდა ყოფილიყო დეკლარაციაში აღნიშნული საათები მითითებული.
“ხარჯი როდესაც გაიღო, მაშინ აქვს დაფიქსირებული როგორც ხარჯი, მაგრამ ნივთი როდესაც შეიძინა, მას უკვე აქვს ნივთი და იქ გრაფაა, სადაც არის მითითებული, რომ გარკვეულ თანხზე მეტი ღირებულების საგანი, რაიმე ნივთი თუ აქვს შეძენილი, მან ეს უნდა დაასახელოს. გამოდის, რომ მაშინ ყველამ ასე გაურკვეველი ფორმით ხარჯებში ჩაწეროს და ჩვენ არ უნდა ვიცოდეთ, კონკრეტულად რა შეიძინა. მაშინ ეს გრაფა საერთოდ რატომაა? ცხადია, რომ კუპრაშვილმა ეს ძალიან კარგად იცის. ამიტომ, როდესაც ძალიან სამარცხვინოდ სახელმწიფოს მოხელისათვის სრულიად დაუშვებელი ცინიზმით აკეთებს აქცენტს იმაზე, რომ კახა კალაძეს ვიღაცეები თურმე გემოვნებას უკონტროლებენ და ძალიან დიდი ბოდიში, ეს არ არის ცეხი, ეს არის ქვეყანა და ამ კაცმა უნდა გაიაზროს ალბათ რა უფლებამოსილებები აქვს” – ამბობს ქეთევან ენუქიძე.
კორუფციის მკვლევარი ბესიკ დონაძის თქმით, არ აქვს მნიშვნელობა, რა ღირებულების საათს ან ნივთს შეიძენს დედაქალაქის მერი, მთავარია, რომ ის მის შემოსავლებთან შესაბამისობაშ მოდიოდეს და დეკლარაციაში იყოს ასახული.
“კახა კალაძემ ვერ გაიგო, რომ სანამ ეს ადამიანი არის პოლიტიკაში, მისი ფინანსები და მისი შემოსავლები უნდა იყოს საჯარო. შესაბამისად, რამდენლარიანი ასათიც უნდა, იმდენნლარიანი გაიკეთოს, მთავარია, ამ საათის საყიდელი თანხა დაადეკლარიროს, რომ მას აქვს საათი და ეს საათი ღირს გარკვეული ღირებულების და ასევე, დეკლარაციაში უნდა აისახოს ამ ღირებულების თანხის შემოსავლები ანუ ეს თანხა საიდან მიიღო კალაძემ. დღეის მდგომარეობით მის დეკლარაციაში არსებული შემოსავლები კახა კალაძეს ვერ აძლევს ასეთი ლაქშერული ცხოვრების შესაძლებლობას. ნუ თუ ამ ადამიანს ეს ფული აქვს, ეს უნდა დაადეკლარიროს. თუ არ დაადეკლარირებს და ეს ფული მას აქვს, გამოდის, რომ ეს ფული მან მიიღო უკანონოდ” – ამბობს ბესი დონაძე.
კახა კალაძემ ჯამში მრავალმილიონიანი საათები არ დაადეკლარირა. ფოტო მტკიცებულებებით დასტურდება, რომ ნივთები, რომლის ფასიც ასი ათასობით ლარია, კალაძის სარგებლობაშია, მაგრამ დოკუმენტებში ასახული არ არის. ბოლოს თბილისის მერი ევროპის ჩემპიონატზე ექვსასი ათასიანი საათით გამოჩნდა. ის უცხოელმა ბლოგერებმა დააფიქსირეს.
About The Author
