ქორწილი, რომელზეც მსოფლიო ლაპარაკობს — როგორ შექმნეს ამბანებმა მილიარდ დოლარიანი იმპერია
NEWSTODAY.GE
1 min read
ამბანის ოჯახი ინდოეთის უმდიდრესი დინასტია ოჯახის მთავარი მამაკაცის – მუკეშ ამბანის ბიზნესში მოღვაწეობის დროს გახდა. დღეს მისი ქონება 123,7 მილიარდ დოლარს შეადგენს და მუკეში როგორც ინდოეთის, ასევე აზიის ერთ-ერთ ყველაზე მდიდარ ადამიანად ითვლება.
მიუხედავად იმისა, რომ ბევრი მილიარდერი მისი ცხოვრების წესს მალავს, ამბანების ოჯახი მათ კატეგორიას არ განეკუთვნება. ისინი საოცარი ფუფუნებით ტკბებიან და კოლოსალური დანახარჯებიც აქვთ.
ოჯახი მსოფლიოს ყურადღების ცენტრში მუკეშის უმცროსი ვაჟის – ანანტ ამბანის ქორწილის გამო მოექცა, რომელიც რამდენიმე დღე გაგრძელდა და 300 მილიონი დოლარიდან, 600 მილიონ დოლარამდე დაჯდა.
წარმოგიდგენთ ამბანების ოჯახის გასაოცარ ხარჯებს:
დასაწყისი
ამბანის იმპერია 1932 წელს ინდოეთის პატარა ქალაქ ჩორვადში დირუბაი ამბანმა დააარსა. გავრცელებული ინფორმაციით, დირუბაი მუშაობდა იემენის ბენზინგასამართ სადგურზე. ამბიციურმა მამამ დააფუძნა სავაჭრო კომპანია Reliance Commercial Corporation, რომელიც ძირითადად სანელებლების გაყიდვით იყო დაკავებული.
1966 წელს დირუბაიმ დააარსა შპს Reliance Textiles Industries Pvt. რომელიც სწრაფად გაფართოვდა.
დირუბაი ცნობილი იყო ბიზნესისადმი თავისი აგრესიული მიდგომებით. მას 1980-იან წლებში ბრალად ედებოდა Reliance Industries- ის აქციების ფასებზე მანიპულირება და აქციების ფასის ხელოვნური გაყალბება.
მიუხედავად ამისა, Reliance Industries მაინც გახდა ინდოეთის ერთ-ერთ უმსხვილესი და ყველაზე მომგებიანი კონგლომერატი. მალე კომპანია დივერსიფიცირებული იყო ნავთობქიმიურ, გადამუშავებასა და ტელეკომუნიკაციებში, სხვა სექტორებში.
როდესაც 2002 წელს დირუბაი ამბანი გარდაიცვალა, ბიზნესი დარჩა მის ვაჟებს მუკეშსა და ანილს. თუმცა, ძმებს შორის უთანხმოებამ საბოლოოდ Reliance-ის იმპერიის გაყოფა გამოიწვია. მუკეშმა შეინარჩუნა კონტროლი ფლაგმანურ კომპანიაზე, Reliance Industries Limited-ზე, ხოლო ანილიმ აიღო პასუხისმგებლობა ტელეკომის, ელექტროენერგიის და ფინანსური სერვისების ბიზნესზე.
მუკეშ ამბანის ხელმძღვანელობით, Reliance Industries გაფართოვდა და დივერსიფიცირებული იყო, ინტერესებით ისეთ ინდუსტრიებში, როგორიცაა ნავთობქიმია, ნავთობი და გაზი, ტელეკომუნიკაცია, საცალო ვაჭრობა და ფინანსური მომსახურება. Reliance-ის სატელეკომუნიკაციო და სამაუწყებლო სერვისი – Jio, ამაყობს 470 მილიონზე მეტი აბონენტით.
2023 წელს კომპანიამ გამოაცხადა თავისი ფინანსური ჯგუფის, Jio Financial Services-ის დაარსება. გარდა ამისა, Reliance ახორციელებს დიდ ინვესტიციებს მწვანე ენერგეტიკაში, გეგმავს 80 მილიარდი დოლარის დახარჯვას მომდევნო 10-15 წლის განმავლობაში.
მუკეშს კორპორაციაში სამივე შვილი 2023 წელს შეუერთდა. ტყუპები აკაში და იშა ზედამხედველობენ Jio Financial-ს, ხოლო უმცროსი ვაჟი ანანტი ჩართულია ფირმის ენერგეტიკულ მიმართულებაში.
თავისი ბიზნეს ინტერესების შემდგომი დივერსიფიკაციის შედეგად, Reliance Industries-მა ბოლო პერიოდში მნიშვნელოვანი შესყიდვები განახორციელა. გასულ წელს, მან შეიძინა წილები ნიუ-იორკში ძვირადღირებულ Mandarin Oriental-ში 98 მილიონ დოლარად. Mandarin Oriental-ს აქვს 250 ნომერი.
მედია იმპერიის გაფართოება
ცოტა ხნის წინ, Reliance Industries-მა განაცხადა, რომ 517 მილიონ დოლარად შეიძინა Paramount Global-ის ტელევიზიისა და სტრიმინგის კომპანია Viacom18 Media-ის 13%-იანი წილი.
ჯერ კიდევ 2008 წელს, Reliance Industries-მა 111,9 მილიონ დოლარად იყიდა მუმბაის ინდოეთის კრიკეტის გუნდი, რაც იმ დროისთვის ინდოეთის პრემიერ ლიგის (IPL) გუნდის ყველაზე სენსაციური გაყიდვა იყო. მას შემდეგ, გუნდმა მოიპოვა მრავალი ჩემპიონის ტიტული.
ინდოეთის უმდიდრესი ოჯახი ცხოვრობენ მდიდრულ 27-სართულიან კოშკში, რომელიც მუმბაის ერთ-ერთ ყველაზე პრესტიჟულ უბანში მდებარეობს.
“ანტილიის“ აგება 1 მილიარდი დოლარი დაჯდა, რითაც ის გინესის მსოფლიო რეკორდების წიგნში, მსოფლიოში ყველაზე ძვირადღირებული კერძო რეზიდენციის სახელით შევიდა.
მუკეშ ამბანი და მისი ოჯახის წევრები ფლობენ ძვირადღირებული მანქანების შესაშურ კოლექციას. გამორჩეულები არიან Mercedes Maybach 660 Guard, BMW 760 Li, Bentley Continental Flying Spur და Rolls-Royce Phantom.
არსებული ინფორმაციით, მანქანები აღჭურვილია ტყვიაგაუმტარი საფარით.
2018 წელს იშა ამბანმა იქორწინა ანანდ პირამალთან. მათი ქორწილი 100 მილიონი დოლარი დაჯდა.
2019 წელს იქორწინა მუკეშის მეორე ვაჟმა – აკაშ ამბანმა. წყვილის ქორწილი ასევე, რამდენიმე ასეული მილიონი დოლარი დაჯდა.
ყველაზე ხმაურანი კი ანანტ ამბანისა და რადიკა მერჩანტის ქორწილი იყო, რომელიც რამდენიმე დღე გაგრძელდა. იქამდე, კი წინასაქორწინო ზეიმები თვეების განმავლობაში იმართებოდა. გავრცელებული ინფორმაციით, წყვილის ქორწილი 600 მილიონი დოლარი დაჯდა.
წყარო: lovemoney.com
About The Author
