NEWSTODAY.GE 
“ოცნების” არჩეულმა პრეზიდენტმა მიხეილ ყაველაშვილმა აშშ-სა და სხვა ქვეყნების მიერ სანქცირებული შსს-ს მაღალჩინოსნები ღირსების ორდენით დააჯილდოვა. მათ შორის არიან ზვიად ხარაზიშვილი იგივე “ხარება”, შს მინისტრი ვახტანგ გომელაური და “ხარებას მოადგილე მილერი ლაგაზაური.
მიხეილ ყაველაშვილმა ღირსების ორდენი ვახტანგ გომელაურსა და შსს-ს სხვა მაღალჩინოსნებს “კანონიერებისა და მართლწესრიგის განმტკიცებაში შეტანილი განსაკუთრებული წვლილისათვის” გადასცა.
“ირაკლი კობახიძემ პოლიციის ხელმძღვანელ პირებს საქართველოს სახელმწიფო ჯილდოს – ღირსების ორდენის მიღება მიულოცა და ქვეყნის წინაშე გაწეული სამსახურისთვის მადლობა გადაუხადა” — აცხადებს ადმინისტრაცია.
ღირსების ორდენით დაჯილდოვდა შსს-ს 11 მაღალჩინოსანი: ვახტანგ გომელაური, მისი მოადგილეები – შალვა ბედოიძე, ალექსანდრე დარახველიძე, გიორგი ბუთხუზი და იოსებ ჭელიძე, ცენტრალური კრიმინალური პოლიციის დეპარტამენტის დირექტორი თემურ კუპატაძე, საპატრულო პოლიციის დეპარტამენტის დირექტორი ვაჟა სირაძე, განსაკუთრებულ დავალებათა დეპარტამენტის (გდდ) დირექტორი ზვიად ხარაზიშვილი, თბილისის პოლიციის დეპარტამენტის დირექტორი სულხან თამაზაშვილი, გდდ-ს დირექტორის მოადგილე მილერი ლაგაზაური, გდდ-ს დირექტორის მოადგილე მირზა კეზევაძე.
About The Author
