სისხლიანი ანგარიშსწორება გლდანის ციხეში – ადვოკატის თქმით, პატიმარი სასიკვდილოდ ნაცემი და ნაწამებია
NEWSTODAY.GE
1 min read
გლდანის მე-8 დაწესებულებიდან კლინიკა „ვივამედში“ მოთავსებული პატიმარი ამ დრომდე უგონო მდგომარეობაში იმყოფება. იოსებ გორგაძის გადასარჩენად მედიკოსები ახლაც იბრძვიან.
“ვივა მედის” კლინიკური დირექტროი, ზურაბ ჩხაიძე “პირველებთან” ამბობს, რომ პატიმარი მართვით სუნთქვაზეა.
ხანგრძლივი დუმილის შემდეგ, სკანდალურ ბრალდებებს სპეციალური პენიტენციური სამსახური გამოეხმარა. უწყება ამტკიცებს, რომ პატიმარი ციხიდან კლინიკაში მხოლოდ იმის გამო გადაიყვანეს, რომ მას მაღალი წნევა ჰქონდა.
ეს არის სიცრუ – ამბობს უგონო მგომარეობაში მყოფი პატიმრის ძმა.
ჩემს ძმას ცხოვრებაში წნევა არ გაუსინჯავს. 46 წლის ისე გახდა, ტაბლეტი არ დაულევია. სპექტაკლია მაგათი დადებული განცხადება. ჯანმრთელობის არანაირი პრობლემა მას არ ქჰონია არასდროს”, – ამბობს ძმა.
პატიმრის ადვოკატის ინფორმაციით, 45 წლის მსჯავრდებულს 37 სხვადასხვა დაზიანება აღენიშნება. უფლებადამცველი ამბობს, რომ მამაკაცი საკანში სასიკვდილოდ აწამეს, სცემეს, ძვლები დაუმტვრიეს და ახრჩობდნენ.
გლდანის დაწესებულება პირდაპირ უთითებს, რომ ინსულტის დიაგნოზით იქნა გადაყვანილი. ოდესაც მიიყვანეს ვივა მედში, აღენიშნებოდა სახის მრავლობითი დაზიანებები. პრაქტიკულად, სახეზე არცერთი ძვალი არ იყო მთელი. სახის მიდამოში, დაახლოებით 37 დაზიანება აქვს. შესაბამისად, ბუნებრივია, რომ ციხეში მას გაუსწორდნენ ფიზიკურად. ჰქონდა ადგილი ცემას, წამებას და ამის შედეგია ის, რომ დღეს ის იბრძის სიცოცხლის გადარჩენისთვის. პენიტენციური განცხადება აბსოლუტურად უსაფუძვლოა, არანაირი ავადმყოფობა და დაზიანებები ამ ადამიანს მანამდე არ აღენიშნებოდა და ინსულტის დიაგნოზით გადაყვანა კლინიკაში ემსახურება იმას, რომ ვიღაცა მალავს და ფარავს გარკვეულ გარემოებებს და რატომ, ჩვენთვის გაუგებარია”, – ამბობს ადვოკატი.
About The Author
