NEWSTODAY.GE 
თეთრ სახლში გამართულ ბრიფინგზე, დონალდ ტრამპმა ვაშინგტონის ავიაკატასტროფაზე ილაპარაკა.
“დაახლოებით 9 საათის წინ American Airlines-ის სამგზავრო თვითმფრინავი, რომლის ბორტზე 60 მგზავრი და ეკიპაჟის 4 წევრი იმყოფებოდა, დაეჯახა სამხედრო ვერტმფრენ Black Hawks-ს, რომელშიც 3 სამხედრო მოსამსახურე იმყოფებოდა.
მასშტაბური სამძებრო-სამაშველო ღონისძიებები მთელი ღამე გრძელდებოდა, გამოყენებულ იქნა ჩვენს ხელთ არსებული ყველა რესურსი”. – თქვა ტრამპმა.
აშშ-ს პრეზიდენტმა აღნიშნა, რომ ამ დროისთვის სამაშველო სამსახურები დაღუპულთა სხეულების პოვნით არიან დაკავებულნი:
“ახლა სამუშაო გადავიდა ნეშთების მოძებნისა და ამოყვანის ფაზაში. სამწუხაროდ, არავინ გადარჩენილა. ეს იყო შავბნელი და მტანჯველი ღამე ჩვენი დედაქალაქისა და ქვეყნის ისტორიაში, შემზარავი მასშტაბების ტრაგედია”.
წინასწარი მონაცემებით სამგზავრო თვითმფრინავში იმყოფებოდა 14 მოციგურავე რუსეთიდან. ტრამპმა სპორტსმენების ოჯახებს მიუსამძიმრა:
“როგორც ერთიანი ერი, ჩვენ დავტირით თითოეულ ძვირფას სიცოცხლეს, რომელიც უეცრად ხელიდან გამოგვეცალა. ჩვენი ქვეყანა გლოვობს. მგზავრებს შორის იყო ნიჭიერი ადამიანების ჯგუფი რუსეთიდან. ვწუხვართ მათზე. ვხვდებით, როგორ აუტანელ ტკივილს განიცდიან მათი ახლობლები. არაფერია ამაზე საშინელი”.
About The Author
