სუს წერს, რომ მოსმენებისას განსაკუთრებულ ყურადღებას უთმობდა ადამიანის უფლებებს
NEWSTODAY.GE
1 min read
პარლამენტის ვებგვერდზე სახელმწიფო უსაფრთხოების სამსახურის [სუს] 2024 წლის ანგარიში გამოქვეყნდა.
დოკუმენტის მიხედვით, “საანგარიშო პერიოდში სახელმწიფო უსაფრთხოების სამსახურის სსიპ საქართველოს ოპერატიულ-ტექნიკური სააგენტო განაგრძობდა ფარულ საგამოძიებო მოქმედებებთან დაკავშირებულ კანონმდებლობით განსაზღვრული ფუნქციების განხორციელებას”.
“აღნიშნულ პროცესში სამსახურის მხრიდან განსაკუთრებული ყურადღება დაეთმო ადამიანის უფლებებისა და თავისუფლებების, მათ შორის, პერსონალურ მონაცემთა და პირადი ცხოვრების ხელშეუხებლობის დაცვის უზრუნველყოფის საკითხებს” – ნათქვამია ანგარიშის პერსონალურ მონაცემთა დაცვის ნაწილში.
შეგახსენებთ, რომ სუს-იდან გამოჟონილი ათასობით დოკუმენტი ადასტურებს სახელმწიფოს მხრიდან მოქალაქეების უკანონოდ მიყურადების, ინფორმაციის შენახვის, დამუშავებისა და შანტაჟის მიზნით გამოყენების მრავალ შემთხვევას.
About The Author
