NEWSTODAY.GE 
“მოსამართლეებს ჩვენი დედების ცრემლი წალეკავთ, წაიღებთ, ჩვენი შვილების ცოდვები არ გაახარებთ”, – ამის შესახებ სინდისის პატიმრის, გიორგი მინდაძის დედამ განაცხადა, რომელიც იუსტიციის უმაღლეს სკოლასთან სხვა სინდისის პატიმრის მშობლებთან ერთად იმყოფება, სადაც ამ წუთებში მოსამართლეების დიდი თავყრილობაა.
ნანი წულაიას თქმით, ოთხ კედელში გამოკეტილი ახალგაზრდების დედები არ გაჩერდებიან.
“მოსამართლეებს სულ ვეუბნები და ახლაც ვეტყვი პირდაპირ ჩვენი დედების ცრემლი წალეკავთ, წაიღებთ. ჩვენი შვილების ცოდვები არ გაახარებთ. ჩვენ არც გავჩერდებით, კიდე ვიდგებით ასე ყოველთვის. სრულ სიტყვის მნიშვნელობით არიან მონები და დარჩებიან მონებად. თქვენი მედია შიგნით ვერ იმუშავებს, რადგან თქვენ ხართ მედიები ვინც სიმართლეს აშუქებს და სიმართლე არ უნდა ამ ხალხს. იმათ ტვინი არ აქვთ უნდათ ეს სულელური მოსმენები”, – ამბობს ნანი წულაია.
აღმაშენებლის ხეივანში ახლა გომელაურის პოლიციის განსაკუთრებული მობილიზებაა – იუსტიციის სკოლაში მისულ მოსამართლეებს სინდისის პატიმრების მშობლები პროტესტით დახვდნენ და შენობაში “მონას” შეძახილებით შეაცილეს.
შენობაში იმყოფებიან მოსამართლეები ლევან მურუსიძე, დიმიტრი გვრიტიშვილი მერაბ გაბინაშვილი.
About The Author
