თურქეთსა და საქართველოს შორის საზღვრის გადაკვეთის წესებში ცვლილებები იგეგმება. თურქული მედიის, კერძოდ „Yeni Şafak“-ის ინფორმაციით, მგზავრებისთვის ახალი სავალდებულო მოთხოვნა დაწესდება, რომელიც უკვე არსებულ პირადობის მოწმობასა და პასპორტს დაემატება. ეს ცვლილება, როგორც გამოცემა წერს, საზღვრის გადაკვეთის პროცესში „ახალ ერას“ მოასწავებს.
ამ ეტაპზე, დამატებითი მოთხოვნის კონკრეტული დეტალები არ ხმაურდება. ოფიციალური წყაროების მხრიდან არ არის დაზუსტებული, თუ რა სახის იქნება ახალი რეგულაცია და რა კონკრეტულ დოკუმენტს ან პროცედურას გულისხმობს ის. თურქეთსა და საქართველოს შორის მგზავრობისას ახალი რეგულაციების შესაძლო ამოქმედების გათვალისწინებით, მოქალაქეებს, რომლებიც უახლოეს მომავალში გეგმავენ საზღვრის გადაკვეთას, მოუწოდებენ, თვალყური ადევნონ ოფიციალურ განცხადებებს და განახლებულ ინფორმაციას.
