აშშ-ის ფედერალურმა სავაჭრო კომისიამ (FTC) უარი თქვა სკოტ ცუკერმანის მოთხოვნაზე, გაეუქმებინათ მისთვის დაწესებული აკრძალვა სტოლკერული (stalkerware) პროგრამების წარმოებასა და გავრცელებაზე. ცუკერმანი, კომპანიების Support King, SpyFone და OneClickMonitor დამფუძნებელი, 2021 წელს დაისაჯა მომხმარებელთა პირადი ინფორმაციის დარღვევისა და ჯაშუშური პროგრამების გავრცელებისთვის.

FTC-ის გადაწყვეტილება, რომელიც ორშაბათს პრეს-რელიზით გამოქვეყნდა, ცუკერმანის მიერ მიმდინარე წლის ივლისში კომისიაში შეტანილი შუამდგომლობის პასუხია. ცუკერმანი ითხოვდა აკრძალვის მოხსნას ან შეცვლას. 2021 წელს FTC-იმ მას აუკრძალა „ნებისმიერი სახის სათვალთვალო აპლიკაციის, სერვისის ან ბიზნესის შეთავაზება, პოპულარიზაცია, გაყიდვა ან რეკლამირება“, რაც ფაქტობრივად გამორიცხავს მის მიერ ამ სფეროში საქმიანობის გაგრძელებას.