აშშ-ის იუსტიციის დეპარტამენტმა (DOJ) სექსუალური მოძალადის, ჯეფრი ეპშტეინის საქმესთან დაკავშირებული დოკუმენტების მორიგი ნაწილი გაასაჯაროვა. ახალი მასალები, რომელიც სასამართლო ჩანაწერებს, ფრენების ჟურნალებსა და ნაწილობრივ რედაქტირებულ დოკუმენტებს მოიცავს, ორშაბათს გახდა ხელმისაწვდომი საზოგადოებისთვის.
დოკუმენტების მორიგი ნაკადის გამოქვეყნება კონგრესის წარმომადგენლებისა და დაზარალებულების მხრიდან იუსტიციის დეპარტამენტის მიმართ არსებული მწვავე მოთხოვნისა და კონტროლის ფონზე მოხდა. აღსანიშნავია, რომ გაჟღერებულ მასალებში მოხსენიებულია ეპშტეინის თანამზრახველი გისლეინ მაქსველიც. გასული წლის ნოემბერში აშშ-ის პრეზიდენტ დონალდ ტრამპის მიერ ხელმოწერილი კანონი მოითხოვდა ყველა დოკუმენტის 19 დეკემბრამდე გასაჯაროებას, თუმცა დეპარტამენტმა განაცხადა, რომ ფაილების გამოქვეყნებას წლის ბოლომდე გააგრძელებდა, რათა სრულად შეესრულებინა კანონით დადგენილი ვალდებულება.
