აშშ-ს სავაჭრო ფედერალურმა კომისიამ (FTC) ძალაში დატოვა აკრძალვა სკოტ ცუკერმანისთვის, რომელიც ადრე მონაცემთა გაჟონვის გამო, სამეთვალყურეო ინდუსტრიიდან იყო გარიცხული. მონაცემთა გაჟონვამ საფრთხე შეუქმნა როგორც მომხმარებლების, ისე მათ მიერ თვალთვალის ქვეშ მყოფი ადამიანების პირად ინფორმაციას.

ცუკერმანი არის სამომხმარებლო ჯაშუშური პროგრამების კომპანია Support King-ის და მისი შვილობილი კომპანიების SpyFone-ისა და OneClickMonitor-ის დამფუძნებელი. 2021 წელს FTC-მ მას აუკრძალა „ნებისმიერი სათვალთვალო აპლიკაციის, სერვისის ან ბიზნესის შეთავაზება, პოპულარიზაცია, გაყიდვა ან რეკლამირება“, რაც ფაქტობრივად, ხელს უშლიდა მას ამ სფეროში საქმიანობის გაგრძელებაში. ცუკერმანმა მიმდინარე წლის ივლისში მოითხოვა აკრძალვის გაუქმება, თუმცა FTC-მ მისი მოთხოვნა არ დააკმაყოფილა.