Bank of America-ს უახლესი ანგარიშის თანახმად, საფონდო ბაზარზე „გაყიდვის სიგნალი“ გააქტიურდა, რაც ისტორიულად ხშირად მნიშვნელოვან ბაზრის ვარდნებს უძღოდა წინ. ეს საგანგაშო ინდიკატორი გამოვლინდა აქციებში ფულის აქტიური შემოდინებისა და ხარის ბაზრის ტენდენციებში კაპიტალის ფართო მონაწილეობის ფონზე, რაც ბოლო პერიოდში ინვესტორთა შორის გაზრდილ ოპტიმიზმსა და აქტივობაზე მიუთითებს.

ანგარიშში აღნიშნულია, რომ როდესაც საფონდო აქტივებში დიდი მოცულობის ფინანსური რესურსი მიედინება და ხარის ბაზრის ციკლში სულ უფრო მეტი აქცია ერთვება, ეს ქმნის პირობებს, რომლებიც ტრადიციულად წინ უსწრებს ბაზრის უკუსვლას. Bank of America-ს ანალიტიკოსები აფრთხილებენ, რომ მიუხედავად ბაზარზე არსებული ოპტიმისტური განწყობისა და აქტივობისა, ისტორიული გამოცდილება გვკარნახობს სიფრთხილეს. წარსულში, მსგავსმა ინდიკატორებმა რამდენჯერმე გამოიწვია მნიშვნელოვანი კორექციები გლობალურ საფონდო ბაზრებზე, რამაც გავლენა მოახდინა ინვესტორთა პორტფელებზე. შესაბამისად, რეკომენდებულია, რომ ინვესტორებმა ყურადღება მიაქციონ ამ ტენენციას და შეაფასონ თავიანთი საინვესტიციო გადაწყვეტილებები პოტენციური რისკების გათვალისწინებით.