დანიამ ხუთშაბათს, 19 დეკემბერს, რუსეთი დაადანაშაულა 2024 და 2025 წლებში განხორციელებულ კიბერთავდასხმებში, რომლებიც მიმართული იყო ქვეყნის წყალმომარაგების ობიექტებსა და საარჩევნო ვებგვერდებზე. ეს გახდა პირველი შემთხვევა, როდესაც კოპენჰაგენმა საჯაროდ მიაწერა მსგავსი თავდასხმების ორგანიზება მოსკოვს, რაც მიუთითებს ორ ქვეყანას შორის ურთიერთობების დაძაბულობაზე.

კერძოდ, პრორუსულ ჰაკერულ დაჯგუფება Z-Pentest-ს ედება ბრალი Tureby Alkestrup Waterworks-ზე თავდასხმაში 2024 წლის ბოლოს. ამ კიბერშეტევის შედეგად შეიცვალა წყლის წნევა, რამაც დანიის ქალაქ კოგეში (კოპენჰაგენიდან 35 კილომეტრის დაშორებით) სულ მცირე, სამი მილის გახეთქვა გამოიწვია. გარდა ამისა, დანიის ხელისუფლება აცხადებს, რომ კიბერთავდასხმები განხორციელდა სამთავრობო ვებგვერდებზეც, ნოემბრის არჩევნების წინ, რაც მიზნად ისახავდა საარჩევნო პროცესში ჩარევას ან მის დისკრედიტაციას.