აშშ-ის ფედერალურმა სავაჭრო კომისიამ (FTC) უარი თქვა შპიონური პროგრამების მწარმოებლის, სკოტ ცუკერმანის მოთხოვნაზე, გაეუქმებინათ მისთვის დაწესებული აკრძალვა, რომელიც მას სათვალთვალო ინდუსტრიაში საქმიანობას უკრძალავს. ცუკერმანი ადრე კომპანია Support King-სა და მის შვილობილ კომპანიებს - SpyFone-სა და OneClickMonitor-ს ხელმძღვანელობდა.

აკრძალვა ცუკერმანს 2021 წელს მას შემდეგ დაუწესდა, რაც მის მიერ წარმოებული პროგრამების მონაცემთა ბაზაში კიბერშეტევა განხორციელდა და მომხმარებლების პირადი ინფორმაცია, ისევე როგორც იმ ადამიანების მონაცემები, რომლებზეც თვალთვალი ხორციელდებოდა, გამჟღავნდა. ცუკერმანმა FTC-ს აკრძალვის გაუქმების ან შეცვლის თხოვნით 2024 წლის ივლისში მიმართა.