ტექნოლოგიური გიგანტი IBM აპირებს მონაცემთა ინფრასტრუქტურის კომპანია Confluent-ის შეძენას 11 მილიარდ დოლარად. ეს ნაბიჯი მიზნად ისახავს მონაცემთა და ავტომატიზაციის პროდუქტების გაძლიერებას, რადგან სულ უფრო მეტი კომპანია გადადის ღრუბლოვან ტექნოლოგიებზე და იყენებს ხელოვნურ ინტელექტს.
IBM-ი Confluent-ის თითო აქციაში 31 დოლარს გადაიხდის, რაც დაახლოებით 50%-ით აღემატება კომპანიის აქციების საბაზრო ღირებულებას პარასკევს, გარიგების შესახებ ინფორმაციის გავრცელებამდე. Confluent უზრუნველყოფს პლატფორმას, რომელიც საწარმოებს მონაცემთა ნაკადების რეალურ დროში მართვაში ეხმარება, რაც განსაკუთრებით მოთხოვნადია ხელოვნური ინტელექტის პროდუქტების განვითარებასა და დანერგვაში.
