NFL-ის გუნდი „ინდიანაპოლის კოლტსი“ სამშაბათს, პენსიაზე გასულ კვარტერბეკ ფილიპ რივერსს გუნდში მოსინჯავს. ESPN-ის წყაროს ინფორმაციით, კლუბი, რომელიც ამჟამად მოთამაშეების ტრავმების გამო პრობლემებს განიცდის, რივერსის ფორმის შეფასებას გეგმავს.
ფილიპ რივერსმა პროფესიული კარიერა 2021 წელს დაასრულა, მას შემდეგ რაც „კოლტსში“ ერთი სეზონი გაატარა. მანამდე ის 16 სეზონის განმავლობაში „სან დიეგო/ლოს ანჯელეს ჩარჯერსის“ ღირსებას იცავდა. ჯერჯერობით უცნობია, რამდენად სერიოზულად განიხილავს „კოლტსი“ რივერსის გუნდში დაბრუნებას.
