ჯანმოს ვაქცინების უსაფრთხოების გლობალური საკონსულტაციო კომიტეტის ახალმა ანალიზმა აჩვენა, რომ არსებული მტკიცებულებების საფუძველზე, ვაქცინაციასა და აუტიზმის სპექტრის აშლილობებს (ASD) შორის მიზეზობრივი კავშირი არ არსებობს. 1999 წელს შექმნილი კომიტეტი საერთაშორისო ექსპერტებს აერთიანებს და ჯანმოს ვაქცინების უსაფრთხოებასთან დაკავშირებულ საკითხებზე დამოუკიდებელ რჩევებს აწვდის.

ანალიზის ფარგლებში, რომელიც კომიტეტმა 2025 წლის 27 ნოემბერს განიხილა, შეფასდა თიომერსალის შემცველ ვაქცინებსა და ASD-ს, ასევე ზოგადად ვაქცინებსა და ASD-ს შორის კავშირი. კომიტეტმა 2010 წლის იანვრიდან 2025 წლის აგვისტომდე გამოქვეყნებული 31 პირველადი კვლევის მონაცემები შეისწავლა.