კალიფორნიის ადმინისტრაციულმა მოსამართლემ გადაწყვიტა, რომ კომპანია Tesla-ს ავტოპილოტის სისტემის რეკლამირება შეცდომაში შემყვანი იყო, რის გამოც შესაძლოა, კომპანიას კალიფორნიაში გაყიდვები 30 დღით შეუჩერდეს. აღნიშნული გადაწყვეტილება 2022 წლის საჩივრის საფუძველზე მიიღეს.

კალიფორნიის სატრანსპორტო დეპარტამენტმა (DMV) Tesla დაადანაშაულა იმაში, რომ Autopilot-ისა და Full Self-Driving-ის სარეკლამო ენით მომხმარებელს აფიქრებინებდა, თითქოს ავტომობილებს მე-5 დონის ავტონომიური მართვის შესაძლებლობა ჰქონდათ. Tesla-მ მას შემდეგ ტექნოლოგია Full Self-Driving-ს სიტყვა „Supervised“ (კონტროლირებადი) დაამატა.